Шығыс Қазақстан облысы бойынша жемқорлыққа қарсы мекеменің қызметкерлері қорғаныс және аэроғарыш өнеркәсібі министрлігіне қарасты заң департаменті директорының орынбасары Е.Арпабаевты тұтқындады.
Шенеунік 6,2 млн теңге көлемінде пара алып жатқан кезінде ұсталды, деп хабарлады жемқорлыққа қарсы іс-қимыл жөніндегі ұлттық бюроның баспасөз қызметі.
"Ол министрлікке қарасты мемлекеттік материалдық резерв жөніндегі комитетпен мемлекеттік сатып алу туралы шартқа қол қойғаны үшін облыстағы мемлекеттік кәсіпорындардың бірінің өкілінен заңсыз сыйақы алған", – делінеді ақпаратта.
Е.Арпабаев Өскемен қаласының ІІБ уақытша ұстау изоляторына қамалды. Қазір сотқа дейін тексеру жүріп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
