11 наурыздағы мәлімет бойынша, 18 432 адам короновирус инфекциясынан (13 811 КВИ+ және 4 621 КВИ-) емделуде, олардың ішінде 4 570 пациент стационарда, 13 862 науқас амбулаториялық деңгейде ем қабылдауда, деп хабарлайды inbusiness.kz Денсаулық сақтау министрлігінің баспасөз қызметіне сілтеме жасап.
"КВИ+, КВИ- шалдыққандардың арасында: 231 адамның жағдайы ауыр, 47 пациенттің жағдайы өте ауыр, 37 науқас ӨЖЖ аппаратында жатыр",– деп жазылған ДСМ-нің коронавирустық инфекциямен ауырғандарға қатысты бүгінгі мәліметінде.
Ал шұғыл штаб індет жұқтырғандар санының тағы өскенін хабарлады. Өткен тәулікте 752 адамнан COVID-19 анықталған. Осылайша ел ішінде вирустың алғашқы жағдайы тіркелгелі бері оны жұқтырғандар саны 220770 жетті. Олардың 204129 жазылып шыққан.
