Алматы қалалық санитарлық-эпидемиологиялық бақылау департаментінің басшысы, қаланың бас санитар дәрігері Жандарбек Бекшин онлайн-брифинг барысында коронавирус антигеніне экспресс-тесттің тиімділігі мен жүргізілген зерттеулер туралы айтты, деп хабарлайды inbusiness.kz.
"Біз тірі вирусқа да, мутацияға ұшыраған штамға да зерттеу жүргіздік. Біз Қазақстанда импортталған және тіркелген негізгі экспресс-тесттерді зерттедік және жақсы нәтиже алдық. Қазір біз мыңдаған байланыста болғандарды көріп отырмыз, ел ішінде олардың саны он мыңдаған. Экспресс-тест 15-20 минут ішінде науқастарды анықтауға мүмкіндік береді. Оны мектептерде қолдануға болады. Есеп келесі аптаның соңында Денсаулық сақтау министрлігіне жіберіледі", – Жандарбек Бекшин.
Айтуынша, экспресс-тесттерді қолдану тек қаржылық ресурстарды ғана емес, сонымен қатар медицина қызметкерлерінің күшін де үнемдеуге мүмкіндік береді.
"Менің ойымша, бұл модель Қазақстанның барлық аумағында қажет болады", – деп қосты қаланың бас санитар дәрігері.
Құралай Құдайберген
