/img/tv1.svg
RU KZ
Коронавирус белгілері туралы хабарлағандарға 1,4 мың доллар төленеді

Коронавирус белгілері туралы хабарлағандарға 1,4 мың доллар төленеді

Бағдарлама 2 наурызға дейін жалғасады.

28 Ақпан 2020 14:39 2204

Коронавирус белгілері туралы хабарлағандарға 1,4 мың доллар төленеді

Қытай билігі «қауіпті індетті жұқтырдым» деп айтқан азаматтарға ақша төлей бастады, деп хабаралайды Atameken Business.

Мұндай қадамға әзірге Хубэй провинциясының әкімшілігі барып отыр. Олар коронавирустың таралуын ауыздықтау мақсатында дерттің белгілері туралы хабарлаған адамға 1400 доллар береді. 

Арнайы әлеуметтік бағдарламаның талабына сай, дене қызуы бар жергілікті тұрғын өз еркімен медициналық мекемелерге жүгінген жағдайда оған 1 мың юань мөлшеріндегі сыйақы тағайындалады. Ал коронавирус симптомдарымен шағымданып, «жұқтыруы мүмкін» деген күдікті пациенттердің тізіміне енгізілсе, 2 мың юань алады.

Ең жоғарғы төлемге өз еркімен көмек сұрап, зерттеу нәтижелері бойынша коронавирусты жұқтырғаны дәлелденген науқас ие болады. Оған 10 мың юань, яғни шамамен жарты миллион теңге беріледі.

Мұндай бағдарлама 2 наурызға дейін жалғасатынын айта кетейін.   

Aliexpress-тен Қытайдан тағам сатып алуды тоқтату керек – Жандарбек Бекшин

Коронавирус жануарлардың ағзасында өлмей, тіршілік ете беретіні анықталды.

24 Қаңтар 2020 17:04 692

24 қаңтарда Сыртқы істер министрлігі ғимаратында өткен баспасөз мәслихатында тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин Aliexpress-пен Қытайдан тағам сатып алуды тоқтату керек екенін мәлімдеді.

Оның айтуынша, коронавирус +37 градус жағдайында өмір сүреді және ол жануарлардың ағзасында өлмей тіршілік етеді екен. Ал қоршаған ортада тез өлетін көрінеді.

Қытайдың CGTN ақпараттық басылымының дерегі бойынша қазір вирусты жұқтырғандар саны 881-ге жеткен, оның 11-і басқа елдерде. Ал қаза тапқандар саны – 26.

Уханьда қалған қазақстандық студенттер елге қашан қайтады?

Карантиндік аймақта қазақстандық студенттер қалды деген дерек бар.

23 Қаңтар 2020 13:46 718

Фото: aikyn.kz

Тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин коронавирустың ошағы деп танылған Ухань қаласында қазақстандық студенттер бар деген ақпаратқа қатысты пікір білдірді. 

«Қытайдың ресми мәліметі бойынша Ухань қаласында карантин жарияланған. Яғни ешкім шықпайды, ешкім кірмейді деген сөз. Сондықтан ол қалада қалған қазақстандық студенттер әзірге елге қайтарылмайды. Сыртқы істер министрлігі, өзге де жауапты органдар жалпы Қытайдағы студенттермен байланыс орнату бойынша жұмыс істеп жатыр. Ондағы студенттер қала тұрғындарымен байланыста болғандықтан, Қазақстанға толық емделгеннен кейін ғана қайтуы керек. Эпидемиологиялық талап осындай. Сондықтан қазір оларды карантиндік аумақтан алып шығару туралы мәселе қаралып жатқан жоқ», – деген Жандарбек Бекшин өзінің басынан да мұндай жағдай өткенін есіне алды.

«Ондай жағдай кезінде жеке өз басымда да болған. Құрылыс жасағында жүргенмін. Біз жұмыс істеп жүрген елді мекенге карантиндік шектеу қойылған еді. Ол кезде африкалық шошқа обасы тараған болатын.  Сондағы студенттермен бірге елді мекеннен шыға алмай қалғанбыз», – деді ол.