Германияның ЖІӨ-і осы жылдың екінші тоқсанында шамамен 10 пайызға қысқарауы мүмкін. Сарапшылардың пікірінше, мұндай көрсеткіш соңғы 50 жылда тіркелмеген.
Ал Францияның ЖІӨ-і 2020 жылдың алғашқы үш тоқсанында 6 пайызға азаюы ықтимал. Карантин ел экономикасын орасан шығынға батырып отыр. Франция Банкінің айтуынша, қазір мемлекет Екінші дүниежүзілік соғыстан бергі ең ауыр рецессияға ұшырап жатыр.
Дүниежүзілік сауда ұйымының директоры Роберту Азеведу: "Егер пандемия дер кезінде ауыздықталса, сауда көлемі мен өндіріс 2021 жылы бұрынғы қалпына келеді. Ал биыл бұл көрсеткіш 13-32 пайызға қысқарады", – деді.
Джонс Хопкинс Университетінің соңғы дерегіне сүйенсек, Францияда вирус жұқтырғандардың саны 83 мыңнан, ал Германияда 113 мыңнан асып кеткен.
Табиғат Нұрболат
