Лестер қаласындағы Де Монфор университеті полиэстер, поликоттон және мақта маталарда COVID-19-дың тіршілік ету ұзақтығын зерттеген. Осылайша полиэстерде вирус 72 сағатқа дейін, ал 100 пайыз мақта матада 24 сағат, поликотон гибридінде алты сағат өмір сүретіні анықталған. Бұл ақпарат шұғыл штабың "Телеграм" каналында жарияланды, деп хабарлайды inbusiness.kz.
"Пандемия алғаш басталған кезде коронавирустың киімде қанша уақыт өмір сүре алатындығы жайында мәліметтер аз болды. Біздің зерттеу нәтижелеріміз тоқыма өнеркәсібінде жиі қолданылатын үш мата вирустың таралу қаупін тудыратынын көрсетті",– дейді ғалымдар тобының жетекшісі Доктор Лэрд.
Зерттеушілер үйдегі кір жуғыш машиналар бүкіл вирусты жоя алмайтындығын анықтаған. Тек детергенттер мен судың температурасы кем дегенде 67°C болған кезде ғана вирус толығымен инактивацияланатындығы белгілі болды.
