/img/tv1.svg
RU KZ
Коронавирус құрбандарының саны 1,5 мыңға жақындады

Коронавирус құрбандарының саны 1,5 мыңға жақындады

Бүгін Жапонияда алғаш рет коронавирустан бір адамның қайтыс болғаны белгілі болды. 

14 Ақпан 2020 10:25 598

Коронавирус құрбандарының саны 1,5 мыңға жақындады

Коронавирус ошағы болған Хубей провинциясында індет жұқтырғандар саны 4823-ке жетті. Бір күнде бұл аймақта тағы 116 адам қайтыс болды, деп хабарлайды Atameken Business.

Бүгін Жапонияда алғаш рет коронавирустан бір адамның қайтыс болғаны белгілі болды.  Әлем бойынша 60 мың 392  адам оқшауланған.  Қазір оларға медициналық тексеріс жүргізіліп жатыр.

Дегенмен осы уақытқа дейін жазылып шыққандар қатары 6 мыңға жуықтаған. Дәрігерлер солардың көмегімен қазір ауырып жатқандарды аман алып қалуға болады дейді. Себебі вирусты жеңген адамдардың қанында оған қарсы тұратын иммуноглобулин бар көрінеді. Бейжіңдегі билік елдегі барлық тәжірибелі мамандарды Хубей провинциясына жіберген.

Қазір Хубейде елдің 29 провинциясынан арнайы жіберілген жалпы саны 20 мыңнан аса медицина қызметкері халыққа қызмет көрсетуде. Бірқатар халықаралық ұйым мен жанашырлық танытқан мемлекеттер осы жаққа ауруханаға қажетті құрал-жабдық пен дәрі-дәрмек жеткізуде.

Бүгінде Қытайдағы бірқатар ірі кәсіпорын қызметкерлері жұмысқа кірісті. Өйткені жыл басталғалы бері өндіріс жабылып қалғандықтан, экономикалық көрсеткіштер нашарлап кетті. Халықаралық валюта қорының жетекшісі егер, індетке шалдыққандар қатары біртіндеп кеми түссе, Қытайдың экономикалық өсімі жылдам қалыпқа келетінін айтады.

Aliexpress-тен Қытайдан тағам сатып алуды тоқтату керек – Жандарбек Бекшин

Коронавирус жануарлардың ағзасында өлмей, тіршілік ете беретіні анықталды.

24 Қаңтар 2020 17:04 696

24 қаңтарда Сыртқы істер министрлігі ғимаратында өткен баспасөз мәслихатында тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин Aliexpress-пен Қытайдан тағам сатып алуды тоқтату керек екенін мәлімдеді.

Оның айтуынша, коронавирус +37 градус жағдайында өмір сүреді және ол жануарлардың ағзасында өлмей тіршілік етеді екен. Ал қоршаған ортада тез өлетін көрінеді.

Қытайдың CGTN ақпараттық басылымының дерегі бойынша қазір вирусты жұқтырғандар саны 881-ге жеткен, оның 11-і басқа елдерде. Ал қаза тапқандар саны – 26.

Уханьда қалған қазақстандық студенттер елге қашан қайтады?

Карантиндік аймақта қазақстандық студенттер қалды деген дерек бар.

23 Қаңтар 2020 13:46 753

Фото: aikyn.kz

Тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин коронавирустың ошағы деп танылған Ухань қаласында қазақстандық студенттер бар деген ақпаратқа қатысты пікір білдірді. 

«Қытайдың ресми мәліметі бойынша Ухань қаласында карантин жарияланған. Яғни ешкім шықпайды, ешкім кірмейді деген сөз. Сондықтан ол қалада қалған қазақстандық студенттер әзірге елге қайтарылмайды. Сыртқы істер министрлігі, өзге де жауапты органдар жалпы Қытайдағы студенттермен байланыс орнату бойынша жұмыс істеп жатыр. Ондағы студенттер қала тұрғындарымен байланыста болғандықтан, Қазақстанға толық емделгеннен кейін ғана қайтуы керек. Эпидемиологиялық талап осындай. Сондықтан қазір оларды карантиндік аумақтан алып шығару туралы мәселе қаралып жатқан жоқ», – деген Жандарбек Бекшин өзінің басынан да мұндай жағдай өткенін есіне алды.

«Ондай жағдай кезінде жеке өз басымда да болған. Құрылыс жасағында жүргенмін. Біз жұмыс істеп жүрген елді мекенге карантиндік шектеу қойылған еді. Ол кезде африкалық шошқа обасы тараған болатын.  Сондағы студенттермен бірге елді мекеннен шыға алмай қалғанбыз», – деді ол.