/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 400,36 Brent 36,55
Коронавирус өршіген Уханьда 98 қазақстандық студент қалды

Коронавирус өршіген Уханьда 98 қазақстандық студент қалды

Бұл туралы Сыртқы істер ведомствоның ресми өкілі Айбек Смадияров айтты. 

25 Қаңтар 2020 09:50 1249

Коронавирус өршіген Уханьда 98 қазақстандық студент қалды

Карантин жарияланған Қытайдың Ухань қаласында қазір 98 қазақстандық студент қалды. Жалпы 230 отандасымыз сол шаһарда білім алуда. Көбі демалысқа шығып, Қазақстанға және басқа да елдерге кетіп қалған.

Әзірге студенттерден бөлек өзге азаматтардың бар-жоқтығына қатысты ақпарат  жоқ. Өйткені сапарлай баратын отандастарымыз консулдық есепке тұрмайды екен. Тіпті ресми дерек бойынша Қытайда 10 мың студент оқыса, елшілікте  мыңнан астам азаматтың ғана дерегі тіркелген.

Қытайдан эвакуацияланған 89 студент ауруханадан шығарылды

Енді алдағы он күнде олар тұрғылықты мекенжайындағы емханалардың бақылауында болады.

16 Ақпан 2020 13:16 304

Қытайдан эвакуацияланған 89 студент ауруханадан шығарылды

Қытайдан эвакуацияланған 89 студент елордадағы Көпсалалы медициналық орталықтың жұқпалы аурулар бөлімінен шығарылды, деп хабарлайды ҚазАқпарат.

«2020 жылы 2 ақпанда Ухань қаласынан студенттер жеткізілді. Оның ішінде Беларусьтың - 5, Арменияның 1 азаматы бар. Олар 14 күндік карантинде болды. Бұл уақыт аралығында бірқатар зерттеу жүргіздік, соның ішінде коронавирус бар-жоғын анықтадық. Олардың ешбірінде коронавирус инфекциясы анықталған жоқ. Бүгін олар үйлеріне жіберілді», - деді Нұр-Сұлтан қаласы Қоғамдық денсаулық сақтау басқармасының штаттан тыс бас инфекционисі Сәуле Атығаева.

Оның айтуынша, енді алдағы он күнде олар тұратын жеріндегі емханаларда бақылауда болады.

2 ақпан күні Уханьнан 83 азамат эвакуацияланған болатын. 

Коронавирус жұқтырған жолаушысы бар ұшаққа Алматы әуежайында жанармай құйылды

Әуе кемесіне жанармай құюда жарлық қауіпсіздік шарасы сақталды. 

25 Қаңтар 2020 17:07 586

Коронавирус жұқтырған жолаушысы бар ұшаққа Алматы әуежайында жанармай құйылды

Сенбіде коронавирус жұқтырған жолаушысы бар Ыстамбұл-Ухань-Ыстамбұл бағыты бойынша чартерлік рейс жасаушы ұшаққа Алматы әуежайында жанармай құйылды, хабарлайды қала әкімдігінің баспасөз қызметі.

«25 қаңтарда TCCJ чартерлік рейсі бойынша Ыстамбұл-Ухань-Ыстамбұл бағытында ұшып бара жатқан ұшаққа  Алматы әуежайында жанармай құйылды. Қолда бар ақпаратқа сәйкес, ұшақта коронавирусты жұқтырған жолаушы болған», - делінген хабарламада.

Баспасөз қызметі Алматы билігі «әуе кемесіне жанармай құюда санитарлық-карантиндік бақылауды күшейте отырып, қажетті шаралар қабылдағанын» атап өтті.         

«Короновирустың елдегі ең ірі мегаполиске енуі мен таралуын болдырмау үшін, жанармай құю операциясы жолаушылар мен экипажды эвакуацияламай жүргізілді», - деп түсіндірді департаменттегілер.

Алматыға Қытайдың бес қаласынан рейстер келетіндігін ескере отырып, мегаполис әуежайында санитарлық-эпидемияға қарсы және профилактикалық шаралар кешені жүзеге асырылуда. «Бүгін барлық рейстер ерекше бақылауда», - деп атап өтті баспасөз қызметі.