Елімізде COVID-19 бен пневмониядан 110 адам өлімі тіркелді, деп хабарлайды inbusiness.kz.
Денсаулық сақтау министрлігінің мәліметінше, өткен тәулікте COVID-19 жұқтырудың 6 797 дерегі тіркелген. Осылайша, елімізде коронавирус жұқтырғандар саны 542 703-ке жетті.
Сондай-ақ 2 625 адам коронавирустан айықты. Пандемия басталғалы бері Қазақстанда 452 002 адам COVID-19-дан емделіп, сауығып шықты.
27 шілдедегі мәлімет бойынша 87 094 адам коронавирустан емделіп жатыр. Олардың ішінде 24 328 пациент стационарда, 62 766 науқас амбулаториялық деңгейде ем қабылдауда. 1 461 адамның жағдайы ауыр, 306 пациенттің жағдайы өте ауыр, 182 науқас өкпені жасанды желдету аппаратына қосылған.
Сонымен қатар COVID-19 бен пневмониядан 110 адам көз жұмды.
Қазақстан өңірлеріндегі эпидемиологиялық ахуалды бағалау матрицасы төмендегідей:
"Қызыл аймақта": Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан және Шығыс Қазақстан облыстары.
"Сары аймақта": Түркістан облысы.
Айта кетейік, елімізде коронавирусқа қарсы вакцинаның бірінші компонентін 5 188 266 адам, екінші компонентін 3 356 960 адам салдырды.
