/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 400,36 Brent 36,55
Коронавирус: Ресейде оқшаулану режимі 12 мамырдан бастап күшін жояды

Коронавирус: Ресейде оқшаулану режимі 12 мамырдан бастап күшін жояды

Ел президенті Владимир Путин үкіметке осындай тапсырды.  

28 Сәуір 2020 21:43 160

Коронавирус: Ресейде оқшаулану режимі 12 мамырдан бастап күшін жояды

Сонымен қатар елде 11 мамырға дейін демалыс болып жарияланды. Жұмыстан уақытша босатылғандардың жалақысы сақталады. Бұл туралы Владимир Путин халыққа үндеуінде осылай деп мәлімдеді. Бірақ ол шектеу шараларының күші бір сәтте жойылмайтынын алға тартты.

Мемлекет басшысы билік пен дәрігерлердің індетті тежей алғанын, бірақ оның шарықтау шегінің әлі аяқталмағанын айтты. Осы орайда ол тұрғындарды әзірге оқшаулану шараларын қатаң сақтауға шақырды. Оның сөзінше, халық неғұрлым ережені қатаң сақтаса, соғұрлым тезірек бұл сын-тегеурінді еңсеруге болады.

Өз үндеуінде Путин жаңа коронавирус инфекциясымен күрес жүргізіп жатқан медицина қызметкерлеріне алғысын білдіріп, 28 сәуірді жедел жәрдем күні деп жариялауға ұсыныс тастады.

5 мамырға дейін үкімет өңірлер үшін оқшаулану режимі пен бизнеске арналған шектеу шараларын біртіндеп тоқтату нұсқаулықтарын әзірлейді.Сондай-ақ қарапайым халық пен бизнеске арналған қолдау шараларын да дайындамақ. Губернаторлар болса, облыстарды қашан және қалай бұрынғы қалыпына келтіретінін өздері шешеді. Оларға шектеулерді тек 12 мамырдан бастап қысқартуға рұқсат берілді.

Табиғат Нұрболат

Коронавирус жұқтырған жолаушысы бар ұшаққа Алматы әуежайында жанармай құйылды

Әуе кемесіне жанармай құюда жарлық қауіпсіздік шарасы сақталды. 

25 Қаңтар 2020 17:07 586

Коронавирус жұқтырған жолаушысы бар ұшаққа Алматы әуежайында жанармай құйылды

Сенбіде коронавирус жұқтырған жолаушысы бар Ыстамбұл-Ухань-Ыстамбұл бағыты бойынша чартерлік рейс жасаушы ұшаққа Алматы әуежайында жанармай құйылды, хабарлайды қала әкімдігінің баспасөз қызметі.

«25 қаңтарда TCCJ чартерлік рейсі бойынша Ыстамбұл-Ухань-Ыстамбұл бағытында ұшып бара жатқан ұшаққа  Алматы әуежайында жанармай құйылды. Қолда бар ақпаратқа сәйкес, ұшақта коронавирусты жұқтырған жолаушы болған», - делінген хабарламада.

Баспасөз қызметі Алматы билігі «әуе кемесіне жанармай құюда санитарлық-карантиндік бақылауды күшейте отырып, қажетті шаралар қабылдағанын» атап өтті.         

«Короновирустың елдегі ең ірі мегаполиске енуі мен таралуын болдырмау үшін, жанармай құю операциясы жолаушылар мен экипажды эвакуацияламай жүргізілді», - деп түсіндірді департаменттегілер.

Алматыға Қытайдың бес қаласынан рейстер келетіндігін ескере отырып, мегаполис әуежайында санитарлық-эпидемияға қарсы және профилактикалық шаралар кешені жүзеге асырылуда. «Бүгін барлық рейстер ерекше бақылауда», - деп атап өтті баспасөз қызметі.

Шығыс Қазақстан облысындағы Қытаймен шекара уақытша жабылды

Мұндай сақтық шаралары Қытайда коронавирустың өршуіне байланысты қабылданған. 

25 Қаңтар 2020 13:10 1298

Шығыс Қазақстан облысындағы Қытаймен шекара уақытша жабылды

Қытайда коронавирустың өршуіне байланысты ШҚО-да ҚХР-дың Шыңжаң-Ұйғыр автономиялық ауданымен шекарасы уақытша жабылды, деп хабарлайды «Хабар 24» телеарнасы

Кеден бекеттерінде бақылау күшейтілді. Бұрын аймаққа кірген шетелдіктер жылу тепловизордан өтті. Облыстың шекаралас Зайсан және Үржар аудандарында медицина қызметкерлерін қосымша оқыту жүргізілді. Эпидемиологтар вирусқа қарсы зерттеулерге дайындалуда. Тек өткен айдың өзінде үш мыңнан астам Қазақстан мен Қытай азаматтары шекараны екі бағытта кесіп өткен.

 «Жолаушылар мен тасымалдаушылар арасында күдікті жағдайларды тіркеу кезінде әрекеттер алгоритмі және ақпарат схемасы бар. Шекара бекеттерінде келген адамдардың температурасын өлшейтін жылу түсіргіштері бар », — дейді Әлия Оспанова, Қазақстан Республикасы Денсаулық сақтау министрлігі ШҚО бойынша тауарлар мен қызметтердің сапасы мен қауіпсіздігі департаменті басшысының міндетін атқарушы.

Бұған дейін Қазақстанның Денсаулық сақтау министрлігі коронавирустың пайда болу себептері туралы айтып, Қытайға сапар шегудің қауіптілігі туралы ескерткен болатын. Қытайдан келгендер Қазақстанның әуежайларындағы, теміржол бекеттеріндегі міндетті байланыссыз термометриядан өтеді. Мамандар бүкіл ел бойынша жаттығулар өткізеді.