Коронавирус жұқтырған семейлік жұппен 6 адам тығыз байланыста болған

Коронавирус жұқтырған семейлік жұппен 6 адам тығыз байланыста болған

Науқаспен байланыста болған бір әйелден бронхо-пневмания анықталды.

28 Наурыз 2020 14:12 172

Коронавирус жұқтырған семейлік жұппен 6 адам тығыз байланыста болған

ШҚО денсаулық сақтау басқармасының басшысы Ілияс Мұхамеджан коронавирус жұқтырған семейлік отбасы туралы ақпарат берді.

«28 наурызда келген 7 адамның төртеуінде анализдері теріс болып, 2 адамда өкінішке қарай оң  нәтижелі анализ болды. Тағы бір тұрғын осы отбасымен тығыз байланыста болған. Сонда барлығы 8 адам назарымызда. Науқастармен қатынаста болған 2 адамның анализдері қазір жұмыста. Олар ауруханада. Дәрігерлер күнделікті тексеріс жүргізіп жатыр. Коронавирус анықталған ерлі-зайыптылар 26 наурыз күні  жедел жәрдеммен өз үйінен арнайы капсуламен әкелініп, стационарға жатқызылды. Олардың жағдайы орташа ауырлықта. Арасында коронавирус инфекциясы расталған 1959 жылғы бір ер адамға екі жақтық ошақтық пневмания диагнозы қойылып тұр. Сонымен қатар, қатынаста болған 1960 жылғы әйел адамға сол жақтық төменгі бөлікті бронхо-пневмания диагнозы қойылды. Олардың бәрі дәрігерлердің қадағалауында. Қазіргі таңда керекті ем шаралар жүргізіліп жатыр. Сонымен қатар олардың тұрғылықты жерінде қосымша арнайы санитарлық эпидемиологиялық іс-шаралар жүргізіліп жатыр», –деді басқарма басшысы.

Есжан Ботақара

inbusiness.kz-ті қараңыз, оқыңыз :

Aliexpress-тен Қытайдан тағам сатып алуды тоқтату керек – Жандарбек Бекшин

Коронавирус жануарлардың ағзасында өлмей, тіршілік ете беретіні анықталды.

24 Қаңтар 2020 17:04 479

Aliexpress-тен Қытайдан тағам сатып алуды тоқтату керек – Жандарбек Бекшин

24 қаңтарда Сыртқы істер министрлігі ғимаратында өткен баспасөз мәслихатында тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин Aliexpress-пен Қытайдан тағам сатып алуды тоқтату керек екенін мәлімдеді.

Оның айтуынша, коронавирус +37 градус жағдайында өмір сүреді және ол жануарлардың ағзасында өлмей тіршілік етеді екен. Ал қоршаған ортада тез өлетін көрінеді.

Қытайдың CGTN ақпараттық басылымының дерегі бойынша қазір вирусты жұқтырғандар саны 881-ге жеткен, оның 11-і басқа елдерде. Ал қаза тапқандар саны – 26.

Уханьда қалған қазақстандық студенттер елге қашан қайтады?

Карантиндік аймақта қазақстандық студенттер қалды деген дерек бар.

23 Қаңтар 2020 13:46 431

Уханьда қалған қазақстандық студенттер елге қашан қайтады?

Фото: aikyn.kz

Тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин коронавирустың ошағы деп танылған Ухань қаласында қазақстандық студенттер бар деген ақпаратқа қатысты пікір білдірді. 

«Қытайдың ресми мәліметі бойынша Ухань қаласында карантин жарияланған. Яғни ешкім шықпайды, ешкім кірмейді деген сөз. Сондықтан ол қалада қалған қазақстандық студенттер әзірге елге қайтарылмайды. Сыртқы істер министрлігі, өзге де жауапты органдар жалпы Қытайдағы студенттермен байланыс орнату бойынша жұмыс істеп жатыр. Ондағы студенттер қала тұрғындарымен байланыста болғандықтан, Қазақстанға толық емделгеннен кейін ғана қайтуы керек. Эпидемиологиялық талап осындай. Сондықтан қазір оларды карантиндік аумақтан алып шығару туралы мәселе қаралып жатқан жоқ», – деген Жандарбек Бекшин өзінің басынан да мұндай жағдай өткенін есіне алды.

«Ондай жағдай кезінде жеке өз басымда да болған. Құрылыс жасағында жүргенмін. Біз жұмыс істеп жүрген елді мекенге карантиндік шектеу қойылған еді. Ол кезде африкалық шошқа обасы тараған болатын.  Сондағы студенттермен бірге елді мекеннен шыға алмай қалғанбыз», – деді ол. 

Жаңалықтарға жазылу: