/img/tv1.svg
RU KZ
Коронавирусқа қарсы күреске 159 млрд теңге бөлді

Коронавирусқа қарсы күреске 159 млрд теңге бөлді

Бұл туралы Медициналық сақтандыру қорынан берілетін қаржы көлемі.  

24 Қыркүйек 2020 22:56 343

Коронавирусқа қарсы күреске 159 млрд теңге бөлді

Коронавирусқа қарсы күреске 159 млрд теңге бөлінді, деп хабарлайды Аtameken Business.

Бұл туралы қордың басқарма төрағасы Болат Төкежанов мәлімдеді. Қомақты сома қауіпті дерттің екінші толқынына бағытталған. Осылайша, сала мамандары аты-жаман аурумен білек сыбана күресуге  дайындалуда. Тіпті дертті жұқтырған азаматтарды тегін емдейміз деп отыр.

Қыркүйек айы үшін 40 мың медицина қызметкеріне 10,1 млрд теңге үстемеақы төленеді

ДСМ 7 айда коронавируспен күреске тартылған дәрігерлер қанша үстемеақы төленгенін жариялады. 

08 Қазан 2020 09:18 143

COVID-19 індетімен күреске тартылған медицина қызметкерлеріне 75,7 млрд теңгенің үстемеақысы төленген. Әлеуметтік медициналық сақтандыру қорының басқарма төрағасы Болат Төкежанов осындай статистика келтірді.

«Қазақстанда COVID-19-бен және вирустық пневмониямен күресте эпидемияға қарсы іс-шараларға тартылған  медицина қызметкерлерін ынталандырып, көтермелеу үшін жалақыға үстемеақылар көзделген. Бұл жәрдемақыларды ай сайын әлеуметтік медициналық сақтандыру қоры төлейді. Қордың  медицина қызметкерлерінің алдындағы міндеттемелері толық және уақытында орындалатынын атап өткім келеді. Мәселен, наурыз-тамыз аралығында  75,7 млрд теңге үстемеақы төленді. Қыркүйек айының қорытындысы бойынша 40 мыңнан астам медицина қызметкері 10,1 млрд теңге көлемінде үстемеақы алады. Қазіргі уақытта үстемеақы алушылардың тізімін қалыптастыру бойынша өңірлік  комиссиялардың жұмысы жүргізілуде»,– деген ол аталмыш бағытта әр айда төленген ақшаның есебін де берді. 

«Инфекциямен қауіпті жағдайларда жұмысқа тартылған медицина қызметкерлерінің саны эпидемиологиялық жағдайға байланысты ай сайын өзгеріп отырады. Егер наурыз айында коронавируспен жұмыс істеуге 19 медицина қызметкері тартылса, шілдеде олардың саны 79 мыңға жетті. Айлар бойынша статистика келесідей. Сәуір айында 42 926 медицина қызметкері 7,6 млрд теңге, мамыр айында 40 416 медицина қызметкері 8,7 млрд теңге, маусым айында  53 160 медицина қызметкері 12,3 млрд теңге, шілде айында 78 963 медицина қызметкері 29,4 млрд теңге, тамыз айында 66 249 медицина қызметкері 16,8 млрд теңге алды. Өздеріңіз білетіндей денсаулық сақтау министрлігінің бұйрығымен тәуекел топтары алушылардың тізімін қалыптастырды», – деді Болат Төкежанов.

Есжан Ботақара

Әлеуметтік медициналық сақтандыру қоры індетпен күреске 159 млрд теңге бөлді

ТМКК мен МӘМС пакеттеріне өзгерістер енгізіледі. 

24 Қыркүйек 2020 14:53 186

Әлеуметтік медициналық сақтандыру қорының басқарма төрағасы Болат Төкежанов тегін медициналық көмектің кепілдік берілген көлемі (ТМКК) мен міндетті әлеуметтік медициналық сақтандыру (МӘМС) пакеттеріне өзгерістер енгізілетінін мәлім етті.

«Коронавирус инфекциясын емдеуге байланысты ТМКК және МӘМС пакеттеріне өзгерістер енгізілді. COVID-19 жұқтырған науқастарға және осы індетті жұқтыру күдігіне ілінгендерге мобильді бригада жіберіліп, стационарлық қызмет үйде көрсетіледі. Бұл қызметтер сақтандыру мәртебесіне қарамастан барлық ел азаматына ұсынылады. Қазіргі эпидемиологиялық жағдайды ескере отырып, ТМКК пакетінде «байланыста болған адамдарды, бактерия мен вирус тасымалдаушыларды және инфекциялық ауруға күдікті адамдарды оқшаулау» қызметтері қарастырылған», – деді ол.

Болат Төкежанов қаражат қандай мақсатқа бөлінетінін нақтылай кетті.

«Қор тарапынан коронавирус пен пневмонияға қарсы күрес жөніндегі іс-шараларды қаржыландыру үшін 159 миллиардтан астам теңге қарастырылды. Коронавирус жұқтырған науқастарды емдеуге 50,5 млрд теңге, эпидемияға қарсы іс-шараларға қатысқан медицина қызметкерлеріне үстемақы ретінде 91,9 млрд теңге, стационарлық деңгейдегі ПТР тестілерге  4,2 млрд теңге, үйдегі стационарда қызмет көрсетуге 0,4 млрд теңге, амбулаториядағы ПТР тестілеуге 10 млрд теңге және мобильді бригадалардың жұмысына 2,4 млрд теңге бөлінді», – деді басқарма төрағасы.

Нұржан Көшкін