Қытайдың мемлекеттік CGTN телеарнасының дерегіне сүйенсек, елде жаңа коронавирусты жұқтырғандардың саны 80302-ге, ал марқұмдардыкі 2946-ға ( екеуі Гонкгонгте, біреуі Тайваньда ) жеткен. 47260-сы ем-дом қабылдап, жазылған екен.
Ал Қытайдан басқа елдердегі науқастардың саны – 8700. Оның 120-сы ажал құшыпты.
Оңтүстік Кореяда 4812 кісінің ағзасынан Covid-19 деп аталатын жаңа коронавирус табылса, оның 29-ы ауруды асқындырып, жан тапсырған.
Ал Иранда марқұмдардың саны 66 болды. Италияда 2036 жұқтыру фактісі тіркелсе, оның 52-сі қаза болды. АҚШ-тың 102 азаматы дертке шалдықса, оның 6-сы ажал құшты.
ДДҰ коронавирус эпидемиясының қауіп-қатер потенциалы өте жоғары деп бағалап отыр. Ескере кететін жайт,осы күнге дейін вирус жұқтыру фактілері әлемнің 57 елінде тіркелді.
Табиғат Нұрболат
