Ұзындығы 1500 метрге жететін көпір Тәжікстанда бой көтереді, деп жазады inbusiness.kz сайты.
Тәжікстанның Көлік министрі Азим Иброхим мен қытайлық компанияның өкілі Ли Минкун арасында өткен кездесуде тиісті келісімге қол қойылған.
Келісімге сәйкес, көпір халықаралық стандартқа толық сай болады. Оның құрылысына 4 жыл уақыт кетеді деп жоспарланған. Жобаға болжам бойынша 59,8 миллион доллар қаражат бағытталады.
Ведомствоның мәліметінше, салынатын автокөлік көпірінің ұзындығы байланыстыратын жолдарды қосқанда 1500 метрді қамтиды.
Айта кетейік, осыған дейін әлемдегі ең биік көпірді салып жатқан ел туралы хабарлаған болатынбыз.
Сондай-ақ, Оңтүстік Кореяда құрылыс басталған көпірдің опырылып түсіп, бірнеше адамның қаза тапқанын да жазған едік.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
