12 мамыр күні екі бірдей боксшымыз – Ернар Ешенов пен Александр Журавский Лондонда жекпе-жек өткізеді, деп хабарлайды Vesti.kz.
22 жастағы Ешенов бірінші орта салмақтағы WBC Youth Silver белбеуін сарапқа салады. Бұл беубеу оған келесі жекпе-жекте WBC чемпионы титулына таласуға мүмкіндік береді. Ал оның қарсыласы – Шотландияның 23 жастағы боксшысы Майкл МакГурк.
32 жастағы Журавский британиялық Стивен Даньомен кездеседі. Бұл жолы орта салмақтағы WBO European белбеуі сарапқа салынады.
Айта кетейік, Ернар Ешенов кәсіпқой бокста 5 жекпе-жек өткізіп, барлығында жеңіске жеткен, төртеуін мерзімінен бұрын аяқтаған. Ал оның қарсыласы 8 жекпе-жек өткізген. Ол да барлық кездесуінде жеңіске жеткен, екеуін мерзімінен бұрын аяқтаған.
Александр Журавский кәсіпқой бокста 15 кездесу өткізіп, 13-інде жеңген (11 нокаут), екі рет жеңілген. Ал қарсыласы Стивен Даньо 11 жекпе-жекте жеңіске жетіп, үшеуін тең аяқтаған.
