Алматы көшелері мен аулаларын дезинфекция жасауға арналған сұйықтық адам денсаулығына қауіпсіз, деп мәлімдеді Алматы әкімінің бірінші орынбасары Ерлан Қожағапанов.
"Дезинфекция жасауға арналған сұйықтықтар 100% қауіпсіз деп айта аламын. Сонымен қатар жедел штаб барлық қала тұрғынын дезинфекция жасау алдында хабардар етіп отырады", – деді шаһар басшысының орынбасары.
Бұдан бөлек Ерлан Қожағапанов желіде тараған кептердің қырылып қалуына байланысты пікірімен бөлісті.
"Қазір кептер сараптамаға жіберілді. Алайда біз 28 гвардияшыл-панфиловшылар саябағын 19 наурызда жауып, 20 наурызда дезинфекция жасағанбыз. Ал олар 25 наурызда қырылып қалды. Сондықтан бұл сұйықтықтың әсерінен болмауы мүмкін", – деді Ерлан Қожағапанов.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
