Өзбекстанның 18 азаматы ҚР көші-қон заңнамасын бұзғаны үшін “Самара-Ташкент” пойызынан түсірілді, деп хабарлайды inbusiness.kz cайты.
Көліктегі полиция департаментінің қызмет көрсету аумағында тиісті қоғамдық тәртіпті сақтау, қылмыстардың алдын алу, жолын кесу мақсатында 10-20 сәуір аралығында “Құқықтық тәртіп” жедел профилактикалық іс-шарасы өтіп жатыр.
Мәселен Арыс-1 станциясындағы желілік полиция бөлімінің қызметкерлері “Самара –Ташкент” бағытындағы жолаушылар пойызын тексеру барысында заңнамада белгіленген мерзім өткеннен кейін он тәуліктен астам уақыт ішінде кетуден жалтарған ҚР көші-қон заңнамасын бұзған Өзбекстан Республикасының 18 азаматын анықтап, поездан түсіріп алды.
Көлік полицейлері құқық бұзушыларға қатысты шетелдіктің немесе азаматтығы жоқ тұлғалардың Қазақстан Республикасының халықтың көші-қон саласындағы заңнамасын бұзғаны үшін әкімшілік хаттамалар толтырып, Түркістан облысы Сарыағаш ауданының мамандандырылған әкімшілік сотына жолданды.
