Қосшы қаласында (5 жасар баланың терезеден құлау дерегі бойынша полиция сотқа дейінгі тергеуді бастады. Бұл туралы Ақмола облыстық ПД мәлім етті, деп хабарлайды inbusiness.kz.
Ведомство мәліметінше, 2023 жылғы сәуірдің 17-сінде Қосшы қалалық ПБ кезекші бөліміне Астана қалалық №2 балалар ауруханасына "жабық бас сүйегінің жарақаты, ми шайқалу, іштің тұйық жарақаты, сол жақ иық сүйегінің сынуы" диагнозымен 5 жасар баланың түскендігі туралы хабарланған.
"Анықталғандай, зардап шеккен бала сол күні үйінде 2016 жылғы әпкесі екеуі ғана болған, ата – анасы жұмысқа кеткен. Бала 4 қабаттағы пәтердің терезесінен құлаған. Жылап жатқан баланы көріп, өтіп бара жатқан адамдар жедел жәрдем шақырды. Қазіргі уақытта бала ауруханада жатыр", - деді ведомстводан.
ПД баспасөз қызметінен атап өткендей, осы оқиғаға байланысты Қылмыстық кодекстің 141-бабының 1-бөлігі "балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау" бойынша сотқа дейінгі тергеу басталды.
