Бүгін Қостанай облысының әкімі Архимед Мұхамбетов жаңадан тағайындалған Қостанай қаласының әкімі Қ.Ж.Ахметовты актив жиналысында таныстырды, деп хабарлайды қала әкімдігінің баспасөз қызметі.
Ахметов Қайрат Жұмашұлы, 1965 жылы туған, қазақ, білімі жоғары, 1987 жылы агрономия мамандығы бойынша Целиноград ауыл шаруашылық институтын аяқтады.
Еңбек жолын 1987 жылы Қостанай облысы Меңдіқара ауданының "Каменск-Уральский" совхозы бөлімінің агрономы болып бастаған.
1988 жылғы сәуірден бастап 1989 жылғы қаңтар аралығында – Қостанай облысы Меңдіқара ауданының "Каратальский" совхозының инженер-гидротехнигі.
1989 жылғы ақпаннан бастап 1993 жылғы мамыр аралығында – Қостанай облысы Әулиекөл ауданының "Новонежинский" совхозы бөлімінің меңгерушісі, бас агроном, экономист.
1993 жылғы мамырдан бастап 1994 жылғы қыркүйек аралығында – Қостанай облысы Әулиекөл ауданының "Казанбасский" совхозының бас агрономы.
1994 жылғы қыркүйектен бастап 1997 жылғы наурыз аралығында – Қостанай облысы Әулиекөл ауданының "Казанбасский" ужымдық кәсіпорнының атқарушы директоры, директоры.
1997 жылғы наурыздан бастап 2000 жылғы наурыз аралығында – Қостанай облысы Әулиекөл ауданының "Казанбасский" "Кызыл-Тан" ЖШС директоры.
2000 жылғы наурыздан бастап мемлекеттік қызметке орналасты. Қазақстан Республикасы ауыл шаруашылық министрлігінің Қостанай облыстық аумақтық басқармасының бастығы лауазымын атқарды.
2002 жылғы қазаннан бастап 2006 жылғы сәуір аралығында – Қостанай облысы Меңдіқара ауданының әкімі.
2006 жылғы маусымнан бастап 2007 жылғы қыркүйек аралығында – Қостанай облысы ауыл шаруашылық департаментінің директоры.
2007 жылғы қыркүйектен бастап 2010 жылғы қазан аралығында – Қостанай облысы Қарасу ауданының әкімі.
2010 жылғы қазаннан бастап 2016 жылғы маусым аралығында – Қостанай облысы Федоров ауданының әкімі.
2016 жылғы шілдеден бастап осы тағайындауға дейін Қостанай облысы Қостанай ауданының әкімі қызметін атқарған.
