Қостанай облысы коронавирустың таралу қарқыны бойынша "қызыл аймақтан" шығып, "сарыға" кірді, деп хабарлайды ҚазАқпарат.
Өңірде бүгінгі мәліметке сәйкес COVID-19-дың 60 жағдайы тіркелді, бір тәулік ішінде сырқаттанушылықтың өсу қарқыны 0,8 % құраған.
"48 адам ауруғанаға өздігінен жүгінген, 10 адам коронавирустық инфекция жұқтырғандармен байланыста болған, 2 адам стационарға жатар алдында эпидқадағалау мақсатында тексерілді. Індет жұқтырғандардың ішінде 47 адамда ауру белгілері болды. Жалпы Қостанай облысында 2020 жылғы 3 сәуір мен 29 желтоқсан аралығында COVID-19-дың 7447 жағдайы тіркелді. Емделіп шыққан адамдардың саны – 7229",– деп жазылған департаменттің баспасөз қызметінің хабарламасында.
Осылайша Қостанай облысы коронавирустың таралу қарқыны бойынша "қызыл аймақтан" шықты.
