Қытай инвесторлары жергілікті зауытта жаңа брендтегі көліктер шығаруды бастайды. Әріптестік аясында жылына шамамен 25-30 мың темір тұлпар құрастырылады. Ал 2023 жылға дейін бұл көрсеткіш 3 есе ұлғайып, өнімнің 30% шетел нарығында саудаланбақ, деп хабарлайды 24.kz.
Облыстың экспорттық әлеуетін арттыратын тағы бір жоба - астықты терең өңдеу кешені. Нысанның құрылысы мамыр айына белгіленген. Сонымен бірге Рудныйдағы тау-кен өндіру бірлестігі Магнитогорск зауытымен бірлесіп, Қашар кентінде "ақылды фабрика" жобасын іске қосады. Тұтастай алғанда, 2019 жылы Тобыл өңіріне 1 миллиард 200 миллион доллар көлемінде инвестиция тарту көзделген.
"Біздің зауытта қытайлық көліктердің екі моделі шығарылады. Өткен жылы құны 1 млрд теңгеден асатын автомобильдерді экспортқа жөнелттік. Негізінен біздің нарық Еуразиялық экономикалық одақ пен Тәжікстанды қамтиды", – дейді автозауыт директорының орынбасары Сергей Могилатов.
