Бүгін, 15 ақпанда Қостанай облыстық соты Затобол кентінің 94 жастағы тұрғыны Иван Сурковқа үкім шығарды, деп хабарлайды alau.kz.
Сотталушыға 7 жыл бас бостандығынан айыру жазасы кесілді. Сондай-ақ ол психиатрдың бақылауында мәжбүрлі емдеуден өтетін болады.
Сотталушы сот шешімімен келіскен жоқ.
Оқиға 2018 жылдың 2 тамызында орын алған. Иван Сурков өзінің балдызы 80 жастағы Николай Давыдовты гантельмен ұрып, кейін пышақ жұмсаған. Зейнеткер алған жарақаттарынан көз жұмған. Сотта айтылғандай, ардагердің соғыс кезінде екі рет миы шайқалған. Ал 2016 жылы ол үйіне түскен ұрылардан зардап шеккен. Соттың дерегі бойынша, осы фактілер сотталушының жүйкесіне әсер еткен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
