Қостанай облыстық денсаулық сақтау басқармасының мәліметінше, 7-25 наурыз аралығында өңірдегі барлық мемлекеттік емханаларда 18-70 жас аралығындағы әйелдер үшін Ашық есік күнін өткізу жоспарланған, деп жазады inbusiness.kz top-news.kz порталына сілтеме жасап.
Бұл санатқа кіретін әр пациент медициналық сақтандырудың және тіркелудің бар-жоғына қарамастан, өңірдегі кез келген мемлекеттік емханаға жүгіне алады. Яғни, оларда бейінді мамандардың қабылдауында болып, УДЗ, ЭЭГ тексерулерінен өтуге мүмкіндік бар.
"Пациенттердің талап-тілегіне байланысты қабылдау анонимді түрде жүргізілуі мүмкін. Медициналық мекемелер жұмыс күндері сағат 09:00-ден 18:00-ге дейін жұмыс істейді. Алдымен тіркеу орнына жүгіну қажет", - деп хабарлады облыстық денсаулық сақтау басқармасы.
