Қостанай облысында 1 шілдеден бастап бизнес үшін электр тарифі төмендейді

135

Төмендетілген тариф 2024 жылғы 1 шілдесінен бастап қолданысқа енгізіледі.

Қостанай облысында 1 шілдеден бастап бизнес үшін электр тарифі төмендейді Фото: aikyn.kz

"Костанайский ЭнергоЦентр" ЖШС ҚР ҰЭМ Табиғи монополияларды реттеу комитетінің Қостанай қаласы бойынша департаментіне заңды тұлғалар үшін электр энергиясына тарифті 1 кВт/сағатына 36,27 теңгеден 34,46 теңгеге дейін (ҚҚС есебінсіз) яғни 5,0%-ға төмендету туралы ақпарат берді, деп хабарлайды inbusiness.kz сайты.

Төмендетілген тариф 2024 жылғы 1 шілдесінен бастап қолданысқа енгізіледі.

Тарифті төмендету ҚР ҰЭМ ТМРК аумақтық департаменттері реттелмейтін энергиямен жабдықтаушы ұйымдарды электр энергиясымен жабдықтау жөніндегі қызметтерге лицензиялардың қолданылуын жақында тоқтатқаннан кейін мүмкін болды.

Бұл жұмыс Үкімет Мемлекет басшысының делдал ұйымдарды, оның ішінде тұтынушыларды электрмен жабдықтау тізбегіндегі өнімсіз делдалдарды жою жөніндегі тапсырмасы аясында жүргізілгенін еске сала кетейік.

Тарифті төмендетудің алғышарты тұтынушылардың (облыстың заңды тұлғалары мен бюджеттік ұйымдарының) реттелмейтін энергиямен жабдықтаушы ұйымдардан электр энергиясын кепілді жеткізушіге ("Костанайский ЭнергоЦентр" ЖШС) ауысуы болды, бұл кепілді жеткізушінің көрсетілетін қызметтерінің көлемін ұлғайту жағына, тиісінше тарифті төмендетуге әсер етті.

Электр энергиясы қызметтерін үздіксіз алу үшін бұрын реттелмейтін жеткізушілерді пайдаланған Қостанай облысының заңды тұлғаларының "Костанайский ЭнергоЦентр" ЖШС-мен жедел түрде тиісті шарттар жасасу мүмкіндігі бар.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу