Қостанай облысында қардың қатты еруі мен еріген судың келуі салдарынан Тімтуір өзені арнасынан асып кетті, деп хабарлайды Inbusiness.kz.
Қостанай облысының жергілікті атқарушы органдары және ТЖД күштері мен құралдары Железнодорожное ауылындағы ойпат жерде орналасқан екі пәтерлі алты үйге кірген еріген қар суы салдарын жою жұмыстарын жүргізуде.
"Жедел жұмыстарға жергілікті атқарушы органдар мен құтқару бөлімшелерінен 15 бірлік техника және 30 адам жұмылдырылды", делінген Қостанай облысы ТЖД хабарламасында.
Қазіргі уақытта жағдай тұрақты, өзенде судың көтерілуі байқалмайды, тәулік бойы кезекшілік және мониторинг ұйымдастырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
