Жоғалып кеткен бір табын жылқының иесі Сергей Кащенко оның қайда екенін көрген-білгендер болса, сүйіншісіне 1 миллион теңге беруге уәде етті, деп жазады alau.kz.
"Жылқының қайда екенін хабарлаған адамға сыйақысы дайын. Жылқыларымның қайда жасырылғанын айтқан адамға миллион теңге беруге дайынмын", – дейді Сергей Кащенко.
Қостанай облысының Ұзынкөл ауданында 90 бас қылқұйрық ізім-ғайым жоғалып кетті.
"Полицияға арыздандық. Жылқыларда "К" және "12" деген таңба басылған. Іздемеген жерім жоқ, Қорған облысына дейін іздеп келдім. Ұшты-күйлі жоғалды", – дейді мал иесі Сергей Кащенко. Оған келтірілген жалпы шығын 20 миллион теңгеге бағаланып отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
