2020 жылғы 21 шілдеде "Қостанай облыстық балалар ауруханасы" КМК тапсырыс берушісі мен "Вершина" ЖШС мердігері арасында 1,2 млрд теңге сомасына ғимаратты күрделі жөндеуге шарт жасалды, деп жазады inbusiness.kz ведомствоның баспасөз қызметіне сілтеме жасап хабарлайды.
"Алдағы уақытта мердігердің атына 921 млн теңге аударылды, алайда жұмыс аяқталған жоқ, жасалған шарт бұзылды.
Тексеру көрсеткендей, "Вершина" ЖШС-на ақшалай қаражаттың бір бөлігі жөндеу жұмысын орындағанын растайтын құжатсыз негізсіз аударылған.
Осы факті бойынша облыс прокуратурасы Қылмыстық кодекстің 361-бабы (лауазымдық өкілеттігін теріс пайдалану) бойынша сотқа дейінгі тергеу бастады", - делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
