Еріктілер Қостанай көшелерінде өліп жатқан иттерді жиі кездестіріп жатқандарын мәлімдеді, деп хабарлайды inbusiness.kz сайты.
Олар Astana TV арнасына жануарлардың мүлдем агрессивті емес екенін және қоғамға қауіп төндірмейтінін айтты.
"Өкінішке қарай, зарарсыздандырылған, вакцинацияланған, таңбаланған, яғни заңмен қорғалған иттерді улау фактілері жиі кездесіп жатыр. Улану белгілері біздің қорғау пунктіміздегі белгілермен бірдей. Осылайша иттер бір-бір жарым сағаттың ішінде азапталып өледі", – дейді волонтер Анастасия Серікова.
Жергілікті полиция төрт аяқты тіршілік иелерінің өліміне байланысты тексерісті бастады.
"Барлық куәгерлер, мән-жайлар белгіленеді, бейнебақылау камералары қаралады, болған оқиғаның жай-жапсары анықталады", – деді Қостанай облысы ПД баспасөз хатшысы Карина Базарбаева.
