Ол өткен жылдың күзі кезінде 25 доза синтетикалық есірткіні тасымалдап жүрген жерінен ұсталған, деп жазады inbusiness.kz сайты.
Тергеу барысында жасөспірімнің ұйымдасқан есірткі қылмыстық желісіне қатысып, "таратушы" рөлін атқарғаны анықталды.
Сот оны кінәлі деп танып, 6 жыл 8 ай мерзімге бас бостандығынан айыру туралы үкім шығарды. Үкім заңды күшіне енді.
Қостанай облысы полиция департаментінің хабарлауынша, жастар арасында есірткіге қарсы күрес – құқық қорғау органдарының басым бағыттарының бірі болып табылады. Бұл жұмыс педагогтармен, медицина қызметкерлерімен, еріктілермен және қоғам белсенділерімен тығыз әріптестікте жүзеге асырылады.
Жасөспірімдерді есірткі саудасына тартудың алдын алу және мұндай жағдайларды ерте анықтау – басты назарда. 2025 жылдың басынан бері өңірде 400-ден астам есірткіге қарсы іс-шара ұйымдастырылып, оларға 5 мыңнан астам жасөспірім қатысқан.
Полиция қызметкерлерінің үйлесімді әрекетінің арқасында шамамен 2,5 келі синтетикалық есірткі – бұл 5 мыңға жуық бір реттік доза – заңсыз айналымға түспей, тәркіленген.
Полиция ата-аналарды, мұғалімдер мен барлық азаматтарды жасөспірімдердің мінез-құлқына мұқият болуға және күдік туындаған жағдайда дереу тиісті органдарға жүгінуге шақырады.
