Қостанайдағы №2 сотына қауіпсіздік техникасын бұзды деп айыпталған ЖШС директорына қатысты қылмыстық іс түсті, деп хабарлайды ҚазАқпарат.
"Газ құбыры үшін траншея қазу кезінде жер опырылған. Сол кезде траншеяның төңірегінде ЖШС-ның жұмысшысы - слесарь-монтаждаушы болған. 21 жастағы жігіт топырақтың астында қалып қойған. Ол оқиға орнында қаза тапты. Айыпталушы құрылыс нысанындағы жұмыс өндірісін дұрыс ұйымдастырмаған, арнайы нормалар мен еңбекті қорғау ережелерін бұзған", - деп түсіндірді облыстық соттың баспасөз қызметінен.
Басты сот ісі 26 шілдеге тағайындалған.
Еске салайық, Қостанайда солтүстік-батыс ауданында "Юбилейный" тұрғын үй кешінінің төңірегінен траншеядан (газ құбырын салу үшін) ер адамның денесі табылған. 21 жастағы жігіт газ құбырын тарту бойынша жергілікті ЖШС-да жұмыс істеген.
