2023 жылдың 1 қаңтарынан бастап Қостанайда қоғамдық көлікте жол жүру құны қымбаттайды, деп жазады inbusiness.kz Қостанай қалалық тұрғын үй-коммуналдық шаруашылық бөліміне сілтеме жасап.
Ақпаратқа сәйкес, Әділет министрлігі тарифті көтеру туралы қаулыны тіркеген.
Осыған сәйкес, келер жылдан бастап автобустарда жол жүру құны қолма-қол ақшасыз есеп айырысу кезінде 100 теңгені құрамақ. Қолма-қол төлем 170 теңге болады.
"Бұдан бөлек 1 қаңтардан бастап барлық қала маңындағы маршруттарда сараланған тариф қолданыла бастайды. Қала маңындағы автобустарда төлем келесідей болады: Тобылға дейін қолма-қол ақшасыз есеп айырысу – 110 теңге, қолма-қол төлем – 190 теңге. Заречныйға дейін қолма-қол ақшасыз есеп айырысу – 120 теңге, қолма-қол төлем – 210 теңге", - делінген хабарламада.
