Қостанайда қызылшаның 35 жағдайы анықталды. Бұл туралы Қостанай қаласының санитариялық-эпидемиологиялық бақылау басқармасының басшысы Алмат Байкенов айтты, деп жазады inbusiness.kz.
Ақпаратқа сәйкес, оның ішінде 20-сы бала, ал 15-і – ересектер.
"Қызылшамен ауырған 35 адамның біреуі жасына байланысты қызылшаға қарсы екпе алған. Тағы 11-і вакцинациядан бас тарту себебінен екпе жасатпаған, 3 науқастың медициналық қарсы көрсетілімі болса, 5 пациенттің егу мәртебесі белгісіз. Ал, 15 бала екпе алатын жасқа келген жоқ", - деп хабарлады Алмат Байкенов.
Эпидемиологиялық ахуалды тұрақтандыру мақсатында наурыз айынан бастап қызылшаға қарсы уақтылы екпе алмаған 18 жасқа дейінгі балаларды вакцинациялау басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
