Кәмелет жасқа толмаған үш жасөспірім қызды алдап шақырып, болған жағдайды ешкім білмес үшін оған бір қап ойыншық берген, деп хабарлайды inbusiness.kz сайты.
Қор жетекшісіне қостанайлық жалғызбасты ана көмек сұрап келген. Оның айтуынша, 8, 12 және 13 жастағы жасөспірімдер 5 жасар қызын зорлаған.
“6 шілде күні анасы қызына велосипед алып берген. Оны аулада құрастырып жатқанда қызды көрші бала үйдің артына алып кеткен. Қызын таппай қалған әйел оны ұзақ уақыт іздейді. Содан ол қызының кір, ұйпа-тұйпа күйде бір қап ойыншық ұстап келе жатқанын көреді. Қорқып кеткен анасы оған ұрысқан көрінеді. Бұл көп ата-аналарда жиі болатын реакция. Сондықтан психологиялық және құқықтық тұрғыдан сауатты болу керек. Бірақ қыз анасына болған жағдай туралы ештеңе айтпаған”, – деп жазды Дина Таңсәрі.
Жантүршігерлік жағдай туралы 20 шілде күні белгілі болды. Жәбір көрген қыз барлығын атасына айтып берген. Олар бірден полицияға шағым түсірген. Тексере келе, кәмелет жасқа толмаған үш жасөспірім қызды бұталардың арасына апарып, оған жыныстық сипаттағы әрекеттер жасағаны белгілі болды.
“Екі жасөспірім қызды шешіндіріп ұстап тұрған. Қыз айғайлап, қарсылық көрсеткенде оның шекесінен таспен ұрған. Олар қыздың жыныс мүшелерін ұстап, қамыс арасына кіргізбек болған. Кейін үшеуі жыныс мүшелерін қыздың аузына салуға мәжбүрлеген. Олар болған жағдай туралы ешкім білмес үшін қызға бір қап ойыншық берген. Қыз барлығын атасына екі апта өткен соң айтып берді. Қыз бар болғаны 5 жаста, ал зәбір көрсеткен жасөспірімдердің жасы 8, 12 және 13-те”, – делінген жазбадан.
Полиция сараптама тағайындап, балалардан жауап алды. Олар өз кінәсін мойындады. Полиция қызметкерлері мемлекеттік заңгер мен мектептен психологты шақыртты. Жазба авторы жасөспірімдерге тәрбие бере алмаған ата-анасына айыппұл салып қана қоймай, сот алдында жауапқа тартылу керегін айтады. Сондай-ақ жәбірленуші қыз бен оның отбасына моральдік зиян келтіргені үшін өтемақы төлеуін талап етті.
