Қостанай облысы, Амангелді елдімекеніндегі жарылыста үйінді астында қалған адамдарды іздестіру жұмыстары аяқталды, деп хабарлайды Inbusiness.kz сайты.
Өртті сөндіру және іздестіру-құтқару жұмыстарына 263 төтенше қызмет қызметкері мен 61 техника жұмылдырылды. Сондай-ақ, "Дос" және "Қызыл жарты ай", "Регион 10" еріктілер топтары тартылды.
Іздеу-құтқару жұмыстарының нәтижесінде 12 адам құтқарылды. Өкінішке орай, үшеуін құтқару мүмкін болмады, деп жазды "Қостанай таңы" газеті.
Облыстық ауруханаға жатқызуға 4 адам жеткізілді. Қалалық ауруханаға 6 адам келді. Медициналық көмек алу үшін 1 адам өз бетінше жүгініп, 1 адам ауруханаға жатқызудан бас тартты. Барлық зардап шеккендерге қажетті медициналық қызметтердің барлық кешені көрсетіледі.
7 жеңіл және 5 ауыр жүк техникасы, сондай-ақ жақын маңдағы 12 жеке үй құрылыстары зақымданды. Үйінді астынан 6 адам шығарылды, өкінішке орай 3-і қайтыс болды.
Қостанай қ. ПБ ҚР ҚК 292-бабы 3-бөлігі бойынша сотқа дейінгі тергеп-тексеру басталды (абайсызда 2 және одан да көп адамның өліміне әкеп соққан өрт қауіпсіздігі талаптарын бұзу).
