31 желтоқсан күні сағат 16.00 шамасында Қамысты ауданының Свободное кентінің екі тұрғыны осы ауданның Дружба кентіне трактормен бағыт алған. Олар жолды қысқартамыз деп шешім қабылдап, далалы жермен жүрген.
Нәтижесінде, трактордың доңғалағы жарылған.
"Бұл аумақта ұялы байланыс болмаған. Жоғалып кеткендердің туыстары жақындары байланысқа шықпаған соң дабыл қаққан. Осыдан кейін Қамысты полиция бөлімінің учаскелік полиция инспекторы Марат Аяпов пен Нұрболат Зарлыханов іздеуге шықты. Олар жоғалған адамдарды тауып, ТЖ қызметкерлерінің көмегімен далда қалғандарды эвакуациялады. Құтқару операциясы 2023 жылдың 1 қаңтарында сағат 11.00-де аяқталды", - деп жазды аймақтың полиция департаментінен.
Құтқарылған Азамат Шәріпов пен Бейбіт Картанбаев полицияға және құтқарушыларға көрсеткен көмегі үшін алғыс білдірді.
Айта кетейік, бұған дейін Қостанайда құбыр жарылып, 8 тұрғын үй жылусыз қалғанын жазған болатынбыз.
