Басқарманың мәліметінше, қазіргі уақытта ауруханаларға 18 зардап шегуші жеткізілген.
Барлығына білікті медициналық көмек көрсетіліп жатыр.
"Көміртегі тотығымен уланған 15 адам Х.Ж.Мақажанов атындағы көпбейінді ауруханада ("Оңтүстік-Шығыс" шағын ауданы). Бір науқас ауыр дәрежелі көміртегі тотығымен уланған, қалғандары – жеңіл және орташа дәреже. Зардап шеккендердің барлығы токсикология бөлімшесіне жатқызылды. Тағы 2 адам Х.Ж.Мақажанов атындағы көпбейінді ауруханада ("Михайловка" шағын ауданы) жатыр. Біреуі ауыр жағдайда жансақтау бөлімінде жатыр, екіншісі отадан кейін травматология бөлімшесіне жатқызылды. Барлығы 17 адам ауруханаға жатқызылды, 1 адам амбулаториялық емделуге үйіне жіберілді", - делінген хабарламада.
Еске салайық, осыған дейін Костенко шахтасында қаза тапқандар саны 16 адамға жеткенін жазған болатынбыз. 31 кеншіні іздеу жұмыстары әлі де жалғасып жатыр.
