Мұндай мөлшерлеме әлеуметтік маңызы бар азық-түлік тауарларын өткізгенде және импорттағанда қолданылмақ. Мемлекеттік кірістер комитетінің баспасөз қызметі аталмыш тізімге ілінген тауарлардың тізбесін жариялады.
Олар:
– бірінші сортты бидай ұны;
– бірінші сортты ұннан жасалған бидай наны;
– өлшеніп салынатын кеспе;
– қарақұмық жармасы;
– тазартылған күріш;
– картоп;
– ас сәбіз;
– пияз;
– ақ қауданды қырыққабат;
– қант;
– күнбағыс майы;
– сиыр еті (сүйекті жауырын-төс бөлігі);
– тауық еті;
– пастерленген сүт, (майлылығы 2,5%, жұмсақ қаптамада);
– майлылығы 2,5% айран, (жұмсақ қаптамада);
– сары май (тұздалмаған, майлылығы кемінде 72,5%, толықтырғыштар және өсімдік майлары жоқ);
– тауық жұмыртқасы (I санатты);
– аc тұзы ("Экстра" -дан басқа);
– сүзбе: (майлылығы 5-9%).
"Бұл тізбедегі тауарлардың СЭҚТН кодтарында "Әлеуметтік маңызы бар тауар" белгісі болады. Тауар айналымы жасалған күні 2020 жылдың 27 наурызынан 30 қыркүйегін қоса алғандағы уақытқа сәйкес келгенде ғана ҚҚС-тың 8% ставкасын қолдануға мүмкіндік бар", – деп жазады комитеттің баспасөз қызметі.
