Көтерме саудадағы ең жоғары көрсеткіштер дәстүрлі түрде желтоқсан айына келеді. Ресурстың мәліметінше, 2022 жылдың қараша айындағы көрсеткіштерді ескере отырып, желтоқсанда жаңа рекорд орнауы мүмкін.
Өткен жылдың қаңтар-қараша аралығында көтерме сауда көлемі 30,6 трлн теңгеге жетті. Бұл 2021 жылдың сәйкес кезеңімен салыстырғанда құндық мәнде 20,8%-ға артық. Көтерме сауданың үлес салмағы 2022 жылғы қаңтар-қараша аралығында ішкі сауданың жалпы көлемінің 69,1%-ын құрады.
Секторда азық-түлік емес тауарлар мен өндірістік-техникалық мақсаттағы тауарлар басымдыққа ие болды: өткен жылдың 11 айында 24,4 трлн теңге. Азық-түлік тауарларының сауда көлемі бір жылда 40,7%-ға өсті.
Көтерме сауда көлемінде жеке және шетелдік компаниялардың үлесіне 99,7% немесе 30,5 трлн теңге тиесілі. Оның ішінде жеке кәсіпорындар – 19,7 трлн теңге, шетелдік кәсіпорындар – 10,8 трлн теңге.
Мемлекеттік кәсіпорындарға көтерме сауданың жалпы көлемінен 91 млрд теңге түсті.
