/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
ҚР Президенті салық заңнамасына өзгеріс енгізетін құжатқа қол қойды

ҚР Президенті салық заңнамасына өзгеріс енгізетін құжатқа қол қойды

Заңның мәтіні баспасөзде жарияланады.  

02 Шілде 2020 18:21 234

ҚР Президенті салық заңнамасына өзгеріс енгізетін құжатқа қол қойды

ҚР Президенті Қасым-Жомарт Тоқаев салық заңнамасына өзгерістер мен толықтырулар енгізетін Заңға қол қойды, деп хабарлайды Ақорда.

«Мемлекет басшысы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды», – делінген Ақорда сайтында.

 

Көлік салығын төлеу мерзімі шегеріледі

Жаңа жылдан бастап көлік салығын әр жылдың сәуір айына дейін төлеу міндеттелуі мүмкін.

18 Қараша 2019 13:50 637

Көлік салығын төлеу мерзімі шегеріледі

Мемлекеттік кірістер комитеті жеке тұлғалар үшін көлік салығын төлеудің мерзімін өзгертпекші. Бұл туралы Орталық коммуникациялар қызметіне өткен баспасөз мәслихатында салық салу әдіснамасы департаменті директорының міндетін атқарушы Дәулет Жарылғасынов айтты. 

«Салық туралы кейбір заңнамалық актілерге өзгертулер мен толықтырулар енгізу туралы» заң жобасына жеке тұлғалардан алынатын көлік салығының мерзімін әр жылдың 31 желтоқсанынан келер жылдың 1 сәуіріне шегеру ұсынылып отыр. Бұл төртінші деңгейдегі  алымдардың уақтылы түсуі үшін жасалады. Көлік салығының басым бөлігі жылдың аяғында ғана төленетіндіктен, жергілікті әкімдіктер оны игеріп үлермей жатады. Сол үшін оны 4 айға шегеріп отырмыз. Осының арқасында көлік салығының түсімдерін игеру жеңілдейді», – деді Мемлекеттік кірістер комитетінің өкілі.

Бұл ұсыныс қолдау тапқан күннің өзінде, келесі жылдан бастап қана күшіне енетінін айта кету керек. Яғни, биыл көлік иелері салықты жыл аяғына дейін төлеп тастауы қажет.

Комитеттің дерегі бойынша, биыл жеке тұлғалардан 38,9 млрд теңге көлік салығы түскен. 

Есімжан Нақтыбайұлы

«Қаламқас» кен орнындағы жағдай президент бақылауында

Мұнай кен орнында өрт болып жатыр.

27 Наурыз 2019 07:56 692

«Қаламқас» кен орнындағы жағдай президент бақылауында

ҚР президенті Қасым-Жомарт Тоқаев «Қаламқас» мұнай-газ кен орнындағы орын алған төтенше жағдайдан хабардар, сондай-ақ мәселе оның жеке бақылауында. Бұл туралы мемлекет басшысы Twitter-де жазды.

«Үкіметке «Қаламқас» кен орнындағы өртті тоқтатып, төтенше жағдайды қалыпқа келтіру жөнінде тиісті шаралар қабылдауды тапсырдым. Бұл мәселе менің бақылауымда», – делінген жазбада.

Бұған дейін хабарлағандай, 13 наурызда «Қаламқас» мұнай кен орнында бұрғылау барысында газ-су қоспасы атқылап, төтенше жағдай орын алған еді. Дегенмен энергетика министрлігі мұнайдың жер бетіне жайылмағанын, төтенше жағдайдың алдын алу жұмыстары толық жүргізіліп жатқанын айтқан еді. Алайда 25 наурызда 8232 ұңғымасында газ-су қоспасының ошағынан өрт шықты.