/img/tv1.svg
RU KZ
ҚР президенті тікұшақ апатынан қаза болғандардың отбасына көңіл айтты

ҚР президенті тікұшақ апатынан қаза болғандардың отбасына көңіл айтты

Қызылорда облысының Жалағаш ауданында МИ-8 тікұшағы апатқа ұшырап, 12 адам көз жұмды.

28 Наурыз 2019 09:18 619

ҚР президенті тікұшақ апатынан қаза болғандардың отбасына көңіл айтты

Қызылорда облысында апатқа ұшыраған Ми-8 тікұшағының бортында болған үш экипаж мүшесі мен тоғыз әскери қызметшінің  аты-жөні белгілі болды, деп хабарлайды ҚазАқпарат lada.kz сілтеме жасап.

Апатта экипаж командирі Роман Костыгов, экипаж командирінің көмекшісі, лейтенант А.Б.Айтбаев және борт технигі, майор Тимур Әділқанұлы Құдайбердиев қаза тапқан.  Бортта болған майор Д.А.Қоңырбай, капитан С.М. Масалим, аға сержант М.Р. Шәріпов; кіші сержант А.Т. Абдулманов, аға лейтенант Г.К. Рахымбаев, евфрейторлар – Б. Байбақов, М.А. Жұматов, А.Т. Әбділдинов, К. Сарқытбаевтар да көз жұмды.

Еске сала кетсек, ҚР ІІМ ТЖК баспасөз қызметі бұған дейін Қызылорда облысының Жалағаш ауданында МИ-8 тікұшағы апатқа ұшырады.

«27наурыз күні сағат 17:35 кезінде «112» пультіне Қызылорда облысының Жалағаш ауданында МИ-8 тікұшағының апатқа ұшырағаны туралы хабарлама келіп түсті. Тікұшақ анықталмаған себептер бойынша құлап, толығымен өртеніп кетті», – делінген комитеттің хабарламасында.

Аталмыш әуе кемесі ҚР Қорғаныс министрлігіне тиесілі екені анықталып отыр. Қазіргі уақытта апаттың мән-жайы анықталу үстінде.  

ҚР президенті Қасым-Жомарт Тоқаев Қызылорда облысында құлаған тікұшақта болған экипаж мүшелерінің отбасына көңіл айтты.

«Қызылорда облысында Қорғаныс министрлігінің тікұшағы апатқа ұшырады.Әскери жаттығу кезінде Ақтау – Шымкент бағытында ұшқан. Өкінішке қарай, экипаж мүшелері қаза тапты. Тергеу жұмыстары жүргізіледі. Қаза тапқандардың туыстарына көңіл айтамын. Отбасыларына материалдық көмек көрсетіледі», – деп жазды президент Twitter-дегі парақшасында.

Қорғаныс министрлігінің хабарлауынша, аталмыш тікұшақ 4 бірдей әскери тікұшақ құрамынан тұратын бөліммен бірге Ақтау қаласынан Шымкентке ұшып бара жатқан. Ұшу сапары арнайы бөлімшелердің «Алтын жебе» кешенді оқу және жаттығу аясында қараңғы уақытта әрі күрделі метеорологиялық жағдайда жүргізілген.

«Қорғаныс министрі Нұрлан Ермекбаевтың бұйрығымен апат орнына арнайы құрылған ҚР Қорғаныс министрлігінің комиссия жіберілді. Қазіргі уақытта төрт тікұшақтың екеуі Қызылорда қаласына қонды. Ал қалған бір тікұшақ оқиға орнына қайта оралды. Қорғаныс министрлігі ішкі істер министрлігімен бірлесіп, болған әуе апатының себебін анықтау мақсатында тергеу жұмыстарын жүргізіп жатыр», – делінген министрліктің хабарламасында.

Әскери бөлімшелерді коронавирустан қорғау бойынша ауқымды жұмыс атқарылуда

Барлық әскери бөлімдер қосымша дәрі-дәрмекпен, ал әскери қызметшілер-медициналық маскалар мен залалсыздандыру құралдарымен қамтамасыз етілген.  

16 Сәуір 2020 20:52 382

Қарулы Күштер әскери қызметшілерінің денсаулығын қорғауды қамтамасыз ету үшін санитарлық-гигиеналық және алдын-алу шаралары барлық деңгейде іске асырылады, деп хабарлайды ҚР қорғаныс министрлігінің баспасөз қызметі.

Жеке құрамды тексеру үшін бақылау-өткізу пунктері медициналық сүзгілер орнатылған.

«Бөлімнің бақылау-өткізу пунктінде әрдайым кезекші дәрігерлер бар. Біз барлық әскери қызметшіні тексеруден өткіземіз, дене қызуын өлшеп, сауалнама жүргіземіз», - деді дәрігер-терапевт капитан Айгүл Рақымжанова.

Жеке құраммен алдын-алу шаралары, сырқаттың белгілері ескертіліп, жұқтыру болған жағдайда әрекет ету алгоритмінің түсіндіру жұмыстары жүргізілді.

Карантин аясында қызмет жасап жатқан әскери қызметшілердің сырқаттануын алдын-алу мәселесі ерекше назарда. Блок-бекеттер, патрульдеу топтары және дезинфекциялау отрядтарына медициналық тексеру мен шағымдар жөнінде сауалнама жүргізетін медициналық қызметкерлердің топтары бөлінді.

Биологиялық қорғаныс бөлімшелері күн сайын вирустық қаупі бар нысандарда жұмыс атқарғандықтан, кезекті дезинфекциялау жұмыстары аяқталғаннан кейін әскери қызметшілер, олардың жабдықтары, құралдары мен техника толықтай залалсыздандырылады. Кезекші дәрігердің әрбір жауынгердің денсаулық жағдайын тексеруінен кейін, моншада жуыну да ұйымдастырылған. Барлық процедураларды өткеннен кейін әскери қызметшілер ауыстыру киім-кешектерін, стерильді қорғану комбинезондарын алады.

Барлық әскери нысандардың санитарлық-гигиеналық жағдайы қатаң бақылауға алынған. Бөлім аумақтары, қызметтік және казармалық үй-жайларда дезинфекциялау жұмысы жүргізіледі. 85395  әскери бөлімі радиациялық, химиялық және биологиялық қорғау қызметінің бастығы майор Жеңісбек Байтелеуов әрбір адамның денсаулығын сақтау және армиялық ортада вирусты жұқтыруды болдырмау үшін әскери бөлімдердің ішін де дезинфекциялаудың қаншалықты маңызды екендігін атап өтті.

Жеке құрам орналасқан шатырлар блок-бекеттер күніне екі рет өңделеді. Әскери ұшақтар да санитарлық өңдеуден өтеді. Төтенше жағдай кезінде әскери ұшқыштар бір өңірден басқа өңірге адамдар мен жүктерді тасымалдауды, шетелден қазақстандықтарды эвакуациялауды қамтамасыз етумен айналысады. Дезинфекциялау әр ұшудан кейін  жүргізіледі.

Жауынгерлік әзірлікке нұқсан келтірмейтіндей вирусты жұқтыру қаупін азайту үшін бөлімшелер жауынгерлік әзірлікті жабық режимде өтіп жатыр. Кейбір құрылымдық бөлімшелердің жеке құрамы қызметті ауысыммен атқарса, 30%-ке жуығы үй жағдайында оқшаулануда. Шетелдік іссапарлардан, оқудан немесе демалыстан келгендер карантинге жабылып, әскери дәрігерлердің бақылауына алынды.

Коронавирустан қорғау шараларды орындауды іске асыруда ҚР ҚК Бас әскери-медициналық басқармасы санитарлық-эпидемиологиялық басқармасының қызметкерлеріне жүктелген. Олар әскердегі санитарлық шараларды бақылауда ұстап, төтенше жағдай жөніндегі комитетпен, әкімдіктермен, азаматтық санитарлық-әпидемиологиялық ұйымдардың қызметкерлерімен бірлесе жұмыс атқарады, дезинфекциялау отрядтарының құрамында болып, зақымдалған деген қаупі бар нысандарды өңдеу жұмыстарына қатысады.

Бас әскери-медициналық басқармасының офицерлері Қорғаныс министрлігі жедел штабы жұмыс тобының, Денсаулық сақтау министрлігінің ситуациялық орталығының  құрамына кіреді, еліміздегі эпидемиологиялық жағдайдың жедел диагностикасын жүргізіп, әскери медицина мен денсаулық сақтаудағы азаматтық мекемелермен өзара байланыс орнатумен айналысады.

Әскерден бөлек әскери-медициналық қызмет халыққа қызмет көрсетеді. Ол үшін елорда мен Алматы қаласы маңында коронавирус індетін жұқтырған және карантиндегілерді қабылдау үшін мобильді госпитальдер мен шатырлы лагерьдер құрылған. Қосымша басқа да әскери госпитальдер мен лазареттердің ресурстары да дайындалған. Әскери дәрігерлердің бір тобы көмек көрсету үшін Қарағандыға жіберілді.

 

«Қаламқас» кен орнындағы жағдай президент бақылауында

Мұнай кен орнында өрт болып жатыр.

27 Наурыз 2019 07:56 723

ҚР президенті Қасым-Жомарт Тоқаев «Қаламқас» мұнай-газ кен орнындағы орын алған төтенше жағдайдан хабардар, сондай-ақ мәселе оның жеке бақылауында. Бұл туралы мемлекет басшысы Twitter-де жазды.

«Үкіметке «Қаламқас» кен орнындағы өртті тоқтатып, төтенше жағдайды қалыпқа келтіру жөнінде тиісті шаралар қабылдауды тапсырдым. Бұл мәселе менің бақылауымда», – делінген жазбада.

Бұған дейін хабарлағандай, 13 наурызда «Қаламқас» мұнай кен орнында бұрғылау барысында газ-су қоспасы атқылап, төтенше жағдай орын алған еді. Дегенмен энергетика министрлігі мұнайдың жер бетіне жайылмағанын, төтенше жағдайдың алдын алу жұмыстары толық жүргізіліп жатқанын айтқан еді. Алайда 25 наурызда 8232 ұңғымасында газ-су қоспасының ошағынан өрт шықты.