/img/tv1.svg
RU KZ
ҚР СІМ Әзербайжан-Армян қақтығысына байланысты мәлімдеме жасады

ҚР СІМ Әзербайжан-Армян қақтығысына байланысты мәлімдеме жасады

Қазақстан Республикасы 2020 жылғы 27 қыркүйекте Таулы Қарабақта орын алған армян-әзербайжан қақтығысының ушығуына аса алаңдаушылығын білдіреді.   

27 Қыркүйек 2020 17:55 264

ҚР СІМ Әзербайжан-Армян қақтығысына байланысты мәлімдеме жасады

Бізге достас Әзербайжан Республикасы мен Армения Республикасын жағдайды тұрақтандыру үшін барлық шараларды қабылдауға, күш құралдарын пайдаланудан бас тартуға және мәселені келіссөздер арқылы шешуге шақырамыз, деп хабарлайды ҚР Сыртқы істер министрлігі.

Халықаралық ұйымдардың алаңдарында жанжалды шешудің бейбіт жолдарын іздеуге көмектесуге дайынбыз. АӨСШК қазіргі төрағасы ретінде кеңестің сенім шаралары пакетін пайдалануды ұсынамыз.

Таулы Қарабақтың тәуелсіздігін мойындаған елмен Баку байланысты үзеді

Әзербайжан президенті шиеленіс тоқтаған соң, өңірге инвестиция құюды және әлеуметтік бағдарламаларды жүзеге асыруға уәде берді.

14 Қазан 2020 16:37 134

Қай ел Таулы Қарабақтың тәуелсіздігін мойындаса, сол елмен Әзербайжан дипломатиялық байланысты үзеді. Әзербайжан президенті Ильхам Әлиев осылай деп басып айтты. 

«Әзербайжанның территориялық тұтастығын әлем мойындап отыр. Сондықтан әлем елдерінің бірі Қарабақтың тәуелсіздігін мойындайды деп ойламаймын. Егер мойындаса, онымен арадағы қарым-қатынасты міндетті түрде тоқтатамыз», – деді Әлиев.

Оның ойынша, қақтығыс біткеннен кейін Әзербайжан мен Армения халықтарын Таулы Қарабақта бірлесе өмір сүруге дайындау керек. Сонымен қатар ол өз сөзінде шиеленіс тоқтаған соң, өңірге инвестиция құюды және әлеуметтік бағдарламаларды жүзеге асыруға уәде берді.

Еске сала кетейік, Таулы Қарабақтағы қарулы қақтығыс 27 қыркүйекте басталған еді. Ресми Баку армяндар әзербайжандық позициялар мен елді мекендерге шабуылдады дегенді айтты. Ереван болса, Қарабаққа шабуылдаған әзербайжандықтар және Түркия Әзербайжанды жауынгерлермен қамтамасыз етіп отыр деп жариялады. 

Халқының басым бөлігін армяндар құрайтын Таулы Қарабақ 1991 жылы Әзербайжан Кеңес Социалистік Республикасынан тәуелсіз екенін жариялаған болатын. Сол кезде Ресми Баку бұл аймақты күшпен қайтармақ болды, бірақ оның арты соғысқа ұласып кеткен еді. 1992-1994 жылдары болған қақтығыста Әзербайжан Таулы Қарабақ пен оған жақын орналасқан жеті ауданнан айырылып қалған болатын.

1994 жылы Әзербайжан, Армения және Таулы Қарабақ республикасы Ресейдің араласуымен уақытша бітімге келген. Бірақ сол уақыттан бері әскери әрекеттер тыйылмай келеді.

Табиғат Нұрболат

Фото: ria.ru

Армения Таулы Қарабақ бойынша ымыраға келуге дайын екенін білдірді

Бұған дейін Путин мен Пашинян аймақтағы ахуалды талқылаған еді. 

07 Қазан 2020 09:55 157

Арменияның премьер-министрі Никол Пашинян Ереванның қандай жағдайда келісімге келетінін мәлімдеді. Үкімет басшысының айтуынша, өзара шарттарға көну арқылы аймақтағы шиеленісті шешуге болады. 

«Егер де Әзербайжан өзара келісілген бірдей талаптарды орындауға келіссе,Таулы Қарабақ та, Армения да кет әрі емес», – деді Пашинян.

Еске сала кетсек, бұған дейін премьер Ресей президенті Владимир Путинмен осы түйткілді телефон арқылы сөйлесіп талқылаған еді. Қос тарап та шиеленістің өршіп бара жатқанын, оның арты жазықсыз бейбіт тұрғындардың өліміне әкеліп соғатынын айтты. Ресей басшысы Қарабақтағы қарулы қақтығысты тоқтатып, келіссөздер жүргізуге үндеді. 

Армения мен Әзербайжанның Таулы Қарабақтың қай тарапқа тиесілі екені жайында ортақ келісімге келе алмай жүргеніне 30 жылдай болды. 1988 жылдың ақпанында Таулы Қарабақ автономды облысы Әзербайжан Кеңес Социалистік Республикасының құрамынан шығатынын мәлім еткен еді.Әзербайжан Қарабақты бірнеше мәрте қайтармақшы болды. 1992-1994 жылдары болған қақтығыста Баку Таулы Қарабақ пен оған жақын орналасқан жеті ауданнан айырылып қалды. Аймақтағы дау әлі күнге дейін шешілген жоқ.

1992 жылдан бері осы шиеленісті шешу үшін Еуропадағы қауіпсіздік және ынтымақтастық ұйымының Минск тобы аясында келіссөздер жүргізіліп келеді. Бұл топқа Ресей, АҚШ және Франция елдері төрағалық етеді.

Табиғат Нұрболат