ҚР Сыртқы істер министрлігі шетелде қайтыс болған қазақстандық әншіге қатысты ресми деректермен бөлісті.
Тайланд полициясының мәліметіне сәйкес, 24 ақпанда Пхукет аралында Қазақстан азаматы Дархан Жүнісбеков қайтыс болған.
"Біздің азамат жалдамалы мопедпен жүріп жол көлік апаты салдарынан қайтыс болды. Консул қаза тапқан адамның туыстарымен байланыста, мәйітті Қазақстанға жіберу үшін қажетті құжаттарды рәсімдеу бойынша жұмыс жүргізілуде", – деп хабарлады ҚР СІМ.
Айта кетейік, Darkhan Juzz есімімен танымал әнші - Алматының тумасы. Ол "Үйде", "Сапар", "Шекер", "Кейіпкер" әндерін шығарған және өзі орындады. Оның инди-поп жанрындағы әндері тыңдарманға ерекше жаңа стиль алып келген еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
