ҚР СІМ Германияда болған оқиғадан зардап шеккендер арасында қазақстандықтардың бар-жоғын тексеруде, деп хабарлайды abctv.kz.
"Германияның солтүстік-батысындағы Мюнстер қаласында жүк көлігінің бір топ адамды қағып өтуінен зардап шеккендер арасында қазақстандықтардың бар-жоғын анықтап жатырмыз. Қазақстанның Германиядағы елшілігінің дипломаттары жергілікті полиция өкілдерімен үздіксіз байланысып отыр", - деп жазады ҚР СІМ баспасөз жетекшісі Әнуар Жайнақов фейсбуктегі парақшасында.
Еске сала кетсек, Мюнстер қаласында белгісіз біреу жүк көлігігімен жаяу жүргіншілерді қасақана қағып өткен. 3 адам қаза тапты, тағы 20-ға жуығы жарақат алған.
Кейінірек анықталғандай, оның лаңкес еместігі анықталды. Ол – жүйке ауытқушылығына ұшыраған Германияның 48 жастағы азаматы болып шықты. Қаза тапқан 3 адамның біреуі қаскөйдің өзі.
