/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Жолаушы тасымалымен айналысатындар құн салығынан босатылуы мүмкін

Жолаушы тасымалымен айналысатындар құн салығынан босатылуы мүмкін

Мұндай жаңашылдықты еліміздің ұлттық экономика министрлігі ұсынуда.

13 Қыркүйек 2019 21:45 672

 Жолаушы тасымалымен айналысатындар құн салығынан босатылуы мүмкін

Жолаушылар тасымалымен айналысатын автокөліктердің иелері қосымша қосылған құн салығынан босатылуы мүмкін. «Атамекен» Ұлттық Кәсіпкерлер палатасы алаңында өткен жиында осындай заң жобасы таныстырылды. Кедендік саясат департаментінің басшысы Азамат Әмриннің айтуынша, аталаға заң жобасы арқылы қалалық, қала маңы және қала аралық тасымалды дамытуға септігін тигізбек. Мұндай жеңілдік 3 жылға берілмек.

Жас сарбаздар ел тыныштығын қорғауға аттанды

Осы күзде Нұр-Сұлтан қаласының 800-ден астам шақыру жасындағы азамат Отан алдындағы борышын атқару үшін аттанатын болады.

19 Қыркүйек 2019 12:56 580

Жас сарбаздар ел тыныштығын қорғауға аттанды

Бүгін Нұр-Сұлтандық жас сарбаздар ҚР ҰҚК Шекара қызметіне мерзімді қызмет атқаруға аттанды, деп хабарлайды елорда әкімдігінің ресми сайты.

Жас сарбаздар әскери ант қабылдағаннан кейін еліміздің шығысындағы шекара бекеттеріне барып, ел тыныштығын қорғайды. 

«Қыркүйек айының алғашқы күндерінен бастап мерзімді әскери қызметке 18 бен 27 жас аралығындағы азаматтарды шақыру науқаны бастау алған болатын. Осы уақытқа дейін әскери бөлімдерге жас толымның үш командасын жіберіп үлгердік. Қарулы күштеріміз озық технологиялар және заманауи техникалармен жабдықталуда. Сол себепті әскеріміздің қатарын жас сарбаздармен толықтыруды сапалы жүргізуге көңіл бөлудеміз. Әскери қызметке білімді де білікті, денсаулығы мықты, психологиялық тұрғыдан сабырлы, байыпты жастардың арасынан үздіктердің үздігін, әскери бөлімдерге қажетті маман иелерін алдын ала дайындап отырмыз»,– дейді Нұр-Сұлтан қаласы қорғаныс істері жөніндегі департаментінің бастығының орынбасары – жасақтау басқармасының бастығы подполковник Рустам Жүсіпұлы Жалбинов.

Іс-шараға Нұр-Сұлтан қаласы әкімшілігінің өкілдері, қорғаныс істері жөніндегі департаментінің басшылығы, сондай-ақ ҚР ҚК ардагерлері мен сарбаздардың туған-туыстары қатысты.

Жалпы осы күзде Нұр-Сұлтан қаласының 800-ден астам шақыру жасындағы азамат Қарулы Күштердің, Мемлекеттік күзет қызметінің және Ұлттық ұлан әскери бөлімдері қатарына Отан алдындағы борышын атқару үшін аттанатын болады.

Қазақстандық балуандар бір медаль мен бір жолдама жеңіп алды

Нұр-Сұлтанда өтіп жатқан күрес түрлерінен әлем чемпионатында «классиктер» арасындағы бәсеке толығымен аяқталды. 

18 Қыркүйек 2019 08:08 1048

Қазақстандық балуандар бір медаль мен бір жолдама жеңіп алды

Фото: olympic.kz

Елорда төрінде грек-рим күресінен 60, 77 және 130 келідегі жеңімпаздар мен жүлдегер есімі анықталып, әйелдер күресінен төрт салмақ дәрежесіндегі финалистер есімі белгілі болды. қазақстандық балуандар бір медаль мен бір жолдама жеңіп алды, деп жазады Olympic.kz. 

Грек-рим күресінен Қазақстан командасы әлем чемпионатын бір күміс және екі қола медальмен аяқтады. Қорлан Жақанша (55 келі) мен Алмат Кебіспаевтың (63 келі) жеңісті жолын Мейрамбек Айнағұлов жалғастырды. 60 келіде белдескен Айнағұлов кіші финалда украиналық Ленур Темировті 10:0 есебімен жеңіп, өзінің жүлде қоржынын әлем біріншілігінің қола жүлдесімен толықтырды. Осыған дейін Мейрамбек 2017 жылғы әлем чемпионатының күміс жүлдесін иеленген болатын.  «Еліміздегі әлемдік доданы жүлдемен аяқтағаныма қуаныштымын. Қолдау көрсеткен жанкүйерлерге рахмет. Медальмен бірге, Олимпиада жолдамасына қол жеткізгеніміз де үлкен жетістік. Бұйырса, 2020 жылы өтетін Токио Олимпиадасында алтын медаль алуды мақсат етіп отырмыз», - дейді Мейрамбек.  77 келідегі кіл мықтыларды жүлдеден қаққан Асхат Ділмұхамедов әлем біріншілігін бар болғаны бесінші орынмен тәмамдады. Роман Власов пен Виктор Немешке көп күш жұмсаса керек, қазақ балуаны кіші финалда жеңіліс тапты. Қола медаль үшін күресте өзбекстандық Жалғасбай Бердімұратовтан айла асыра алмай, 1:3 есебімен жеңілген Асхат Олимпиада жолдамасын қанағат тұтады.  Осылайша, Бақтияр Байсейітов баптайтын грек-рим күресінен Қазақстан командасы өз еліміздегі доданы алтынсыз аяқтады. Чемпионат басталғанға дейін күрес мамандары мен балуандар елордамызда Әнұран шырқату қажеттігін көп айтқан. Десе де, Байсейітовтің 20 жыл бұрынғы жетістігін шәкірттері бұл жолы да қайталай алған жоқ. «Классиктер» әлем чемпионатынан бір күміс, екі қола және Олимпиаданың екі жолдамасын жеңіп алды.  Әлем чемпионатында әйелдер күресіне де кезек келді. Бүгін 50, 53, 55 және 72 келі салмақ дәрежесіндегі белдесулер өткен болатын.  53 келідегі Татьяна Ахметова алғашқы белдесуінде Беларусь балуанына есе жіберіп, турнирді тәмамдады. Ал 50 келідегі Валентина Исламова бұрымды балуандар арасынан алғаш болып Токио жолдамасына қол жеткізді. Исламова Франция, Беларусь және Түркия балуандарын қатардан шығарып, жартылай финалға жеткен болатын. Алайда, аса тартысты өткен белдесуде румыниялық Эмилия Вукпен тең түскен жерлесіміз финалдан сырт қалды. Соңғы ұпайды иеленген Эмилия ақтық сында айқасады. Валентина Исламова ертең қола медаль үшін кілемге шығады.  55 және 72 келіде ел намысын қорғаған Марина Седнева мен Жәмила Бақбергенова да жартылай финалға дейін сүрінбеген. Бірақ екі спортшымызға да финалда күресу бақыты бұйырмайды.  Марина жартылай финалда жапониялық Ирие Нанамиден, Жәмила Олимпиада чемпионы, ресейлік  Наталья Воробьевадан таза жеңілді. Ертең екі балуанымыз да қола жүлдеге таласады.  Ертең, 18 қыркүйек күні, Нұр-Сұлтандағы әлем чемпионатында әйелдер күресінен 57, 59, 65 және 76 келі салмақ дәрежесіндегі іріктеу айналымы басталады.