ҚР Жоғарғы Соты "First Heartland Jusan Bank" АҚ-ның "БИПЭК АВТО ҚАЗАҚСТАН" АҚ-на, "ОНК" ЖШС-на "АЗИЯ АВТО Қазақстан"АҚ-ның 899 999 акциясын сатып алу-сату туралы шартты жарамсыз деп тану туралы кассациялық өтініші мен талап-арызын қанағаттандырды.
Қызу талқыға түскен дау "БИПЭК АВТО ҚАЗАҚСТАН" АҚ-ның банктің қарыз қаражатын қайтару жөніндегі міндеттемелерін орындамауына байланысты, деп хабарлайды inbusiness.kz сайты ҚР Жоғарғы сотының баспасөз қызметіне сілтеме жасап.
2013-2019 жылдары бас кредиттік келісімдер шеңберінде "БИПЭК АВТО ҚАЗАҚСТАН" АҚ банкімен, "АЗИЯ АВТО Қазақстан" АҚ-мен келісімдер қарыз қаражатын алды. Қарыз алушылардың 2021 жылы қарызды қайтару жөніндегі міндеттемелерді бұзуына байланысты борышкерлер мен кепілгерлерден банктің пайдасына сот тәртібімен 66 млрд.теңге мөлшерінде берешек өндірілді.
Сондай-ақ, банк қарыз шарттары бойынша міндеттемелерді орындаудан жалтару мақсатында мәміле жасасуға сілтеме жасай отырып, "БИПЭК АВТО ҚАЗАҚСТАН" АҚ-ның "ОНК" ЖШС-нің пайдасына "АЗИЯ АВТО Қазақстан" АҚ-ның 899 999 акциясын сату туралы шартты жарамсыз деп тану туралы талаппен сотқа жүгінді.
Сонымен қатар, Шығыс Қазақстан облысының соттары Банктің талабын қанағаттандырудан бас тартты.
