Жыл сайын 18 қаңтардан 19 қаңтарға қараған түні православ христиандары Крещение мерекесін атап өтеді. Бұл күні суға түсу арқылы күнәларынан тазарып, рухани жаңғыруға сенеді, деп жазады inbusiness.kz сайты.
Қазақстан мұсылмандары діни басқармасының (ҚМДБ) мамандары мұсылмандарға өзге діндердің діни рәсімдеріне қатысудан бас тартуға кеңес береді.
"Исламда Алланың елшісі Мұхаммед (с.ғ.с.) белгілеп берген Құрбан айт пен Ораза айт секілді мерекелер бар. Мұсылмандарға басқа дін өкілдерінің дәстүрлерін құрметтеу міндет, бірақ соларға ұқсап әрекет етуге, олардың діни мерекелеріне қатысуға рұқсат жоқ. Бұл пайғамбарымыздың: "Кім қай қауымға ұқсаса, ол сол қауымнан" деген хадисіне негізделген", – дейді ҚМДБ Жетісу облысы бойынша шәриғат және пәтуа бөлімі маманы Қамит Табарак.
Сонымен қатар, мұсылмандар арасында Крещение күні суға түсу арқылы рухани тазалыққа қол жеткіземін деп сену дұрыс емес, өйткені бұл исламның қағидаларына қайшы.
Мұсылмандарға өзге дін өкілдерінің сенімдеріне құрметпен қарау, бірақ діни дәстүрлеріне араласпау ұсынылады. Бұл исламдағы толеранттылық пен сенім тазалығының негізгі принциптеріне сәйкес келеді.
Мұсылмандар үшін Крещение мерекесіне қатыспау және бұл күні суға шомылу арқылы қасиетке қол жеткіземін деп сенбеу маңызды. Бұл ислам дінінің ұстанымдары мен қағидаларын сақтауға бағытталған.
