"Қазақстан темір жолы" ҰК" АҚ ел аумағындағы станцияларда қаңтарылып тұрған вагон санының өскенін хабарлады. ҚТЖ мәліметінше, 2,5 мыңнан астам вагон 10 күн бойы теміржолда тұрып қалған, деп жазады inbusiness.kz сайты.
Қозғалмай тұрған вагондар станциялардың өткізу қабілетін шектеп, құрамдарды қабылдау мен жөнелту ісін қиындатып отыр.
Осыған байланысты ұлттық компания вагондардың станцияларда тұрып қалуы ҚТЖ қызметіне немесе инфрақұрылымына байланысты емес екенін мәлімдеді.
"Тасымалдау процесін тұрақтандыру үшін ҚТЖ жүк жөнелтушілер мен жүк алушыларды станциялық жолдарды босату және вагондарды тиеу мен уақытылы түсіру, дайындауды қамтамасыз ету жөнінде жедел шаралар қабылдауға шақырады", – делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
