Қуандық Бишімбаев жедел жәрдем шақырудың орнына жүгінген көріпкел сотта куә болады, деп хабарлайды inbusiness.kz сайты.
Астанада бұрынғы Ұлттық экономика министрі Қуандық Бишімбаевқа қатысты атышулы сот процесі жалғасуда.
Бұған дейін ол әйелі Салтанат Нүкенова қайтыс болған күні көріпкелге жүгінгенін, ол әйелінде бәрі жақсы екенін және кешке оянатынын айтқан. Сотталушының айтуынша, ол экстрасенстің сөзіне сенген, сондықтан жедел жәрдем шақыруға асықпаған.
Марқұм Салтанат Нүкенованың отбасының қорғаушысы Жанна Уразбахова көріпкелдің сотта куәлік беретінін мәлімдеді.
"Сотқа дейінгі тергеу аясында тергеу органы көріпкелді анықтап, жауап алды. Ол айыптау тізімінде", - деді ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
