Ақпан айынан бастап Кубада бір литр бензин қазіргі 25 песоның (0,2 доллар) орнына 132 песо тұрады. Қаржы министрі Владимир Регейро дизель отыны мен басқа да отынның құны осындай үстеме бағаға тап болатынын түсіндіріп айтты. Сонымен қатар, ол тұрғын аудандардағы негізгі тұтынушылар үшін электр энергиясы бағасының 25%-ға өскенін, сондай-ақ табиғи газ бағасының көтерілгенін хабарлады. Бұл туралы inbusiness.kz сайты BBC телеарнасына сілтеме жасап хабарлайды.
Регейроның айтуынша, үкімет халықаралық нарықтарда жанармай сатып алу үшін шетел валютасын тарту үшін төлемді тек доллармен қабылдайтын 29 жаңа жанармай құю станциясын ашады.
"Бұл шаралар біздің экономикамызды жандандыруға бағытталған", - деді министр 8 қаңтар күнгі Мемлекеттік теледидарға берген сұхбатында.
Бұдан басқа, Куба мемлекеті коронавирустық пандемия, АҚШ-тың соңғы жылдардағы санкцияларының күшеюі және құрылымдық кемшіліктері үшін айыпталған экономикалық күйзелістерден қатты зардап шеккен болатын.
