Кубада өткен аптада апатқа ұшыраған жолаушылар ұшағының екінші қара жәшігі табылды. Бұл туралы оқиғаны тергеп жатқан комиссия мүшелері мәлімдеді, деп хабарлайды 24.kz.
Әзірге таспаның қаншалықты бүлінгені туралы ақпарат жоқ. Қазір онымен америкалық және мексикалық мамандар айналысып жатыр.
Еске сала кетейік, мамырдың 18-і күні Гаванадағы Хосе Марти әуежайынан шыққан "Боинг-737" ұшағы көп ұзамай апатқа ұшырады. Ол 20 шақырым ұшқан соң әуежайға кері қайтпақ болған кезде электр сымдарын іліп кеткен. Апаттан 111 адам қаза тапты. Олардың ішінде бес бала бар. Ұшақтың құлауына нақты не себеп болғаны әлі белгісіз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
